Overblog
Suivre ce blog
Administration Créer mon blog

الجبن كثير الدسم - الشيف هدى اليداري

الجبن كثير الدسم - الشيف هدى اليداري

 

ايطرو حليب ديال البقر يغلى ونضيفو على نص ايطرو اللبن + قبصة الملح اختياري + 2 قطرات عصير الحامض وانا كنحرك حتى يبدا يفصل الما على الحليب من بعد 5 دقايق 
ونخليه نص ساعة حتى يفصل مزيآن وناخد زيف حياتي وسط شبكة ونخوي الخليط بشوية حتى يتحيد الما ونعلق الزيف ديال حياتي حتى يتسقطر ساعتين حتى ينشف 
ونديروه في شبكة ياخد الشكل ديالها 
باش يكون دسم أكثر نضيف عليه 3 م ك زبدة بلدية

photos du net

Voir les commentaires

كرص في الفران بعصير الليمون - الشيف هدى اليداري

كرص في الفران بعصير الليمون - الشيف هدى اليداري

في خلاط كهربائي ندير 2 بيضات + نص كاس الما دافي + كاس عنبة عصير ليمون + قشرة ليمونة + نص كاس زيت عادي + قبصة ملح + كاس الا ربع سنيدة + م ك خميرة الخبز + فاني + م ص زبدة + كاس الفورص ونطحن 5 دقايق ونغطيه في اناء ببلاستيك ونخليه يخمر 30 دقيقة حتى يتنفخ مزيآان 
ونخويه من الهواء ونضيف الدقيق شوية بشوية + خمارة حتى يطلع خفيف بزآف يكون كيتلصق ونغطيهم ونخليهم 10 دقايق 
ندهن اليد بالزيت ونقطع العجين كويرات ونحطهم في لاطة مدهونة بالزيت ونغطيهم ونخليهم يخمروا 30 دقيقة وندهنهم باصفر البيض مخلط مع قبصة السكر ندهن الوجه و الجوانب ونباعدهم وندخلهم الفران سخون يطيبو من لتحت و عاد من الفوق 
ممكن اضافة م ص النافع في الخليط من الاول + م ك الزنجلان

photos du net

Voir les commentaires

المهلبية – هدى اليداري

المهلبية – هدى اليداري

 

نص ايطرو حليب معاه 2 م ك مايزينا او 2 م ك دقيق الارز + 2 م ك سنيدة ونطرب بالطراب اليدوي
ممكن اضافة : قطرات ماء زهر أو فاني 
الكل فوق النار على نار مهيلة حتى تقال 
ايلا بغيتها تجي كريمي نضيف ياغورت كريمي 
ونديرو في كؤوس مع الزبيب في الوسط او اللوز من الفوق وندخلوه للثلاجة ساعة او ساعة ونص 
ايلا استعملنا الليمون نديرو 4 م ك مايزينا 
ممكن اضافة كاس عنبة ديال الكريم فريش مع الخليط قبل ما نديرو في كؤوس او ياغورت كريمي او فرماج

photos du net

Voir les commentaires

سيكار السردين و الخضر - الشيف هدى اليداري

سيكار السردين و الخضر - الشيف هدى اليداري

كيلو السرين مطحون بدون شقرة + 2 ثوم + نص م ص قزبر يابس + م ص سكينجبير + م ك عصير حامض او خل + م ص تحميرة + ربع م ص قرفة + م ك الربيع + نص م ص قزبر يابس مطحون + شوية زعتر محكوك بين اليد ونعجن الكفتة 
ناخد بصلة مشلظة رقيق + ورقة سيدنا موسى + زيت و تشحر البصلة + 2 حبات خيزو محكوك غليظ ونشحر حتى يدبلو + 2 فلفلات ونشحر مربعات حتى يدبلوا + كفتى السردين بدون تحراك ونغطي المقلة او الطنجرة ونخليها 5 دقايق حتى يقبط ونبدا نحرك + سكينجبير نص م ص + ملح + ابزار او سودانية او هريسة + م ص تحميرة + نص م ص قزبر يابس + بكية شعرية صينية القياس اللي بغينا + 2 م ك عصير الحامض + 2 م ك الربيع + م ك صلصة الصوجا اختيارية ونشحر 10 دقايق على نار مهيلة ونخليها تبرد ونديرها سيكار ونطيبهم

 
 
 

Voir les commentaires

بصطيلة الحوت بطريقة ممول الحفلات - الشيف هدى اليداري

بصطيلة الحوت بطريقة ممول الحفلات - الشيف هدى اليداري

 

كيلو الكلمار + كيلو كروفيط + كيلو هبرة حوت فرخ او لا لوط او الروكان او مخلط 
نصلق الكلمار في ماء مغلي مع ورقة سيدنا موسى طرق الحامض و الملح ونحسب ليه 4 دقايق وهو كيغلي ونصفيه من لاما ونحتفظ بالماء ديالو
الحوت هبرة نرشو بالملح ونبخرو ونخليه جانبا من بعد ما نحيد ليه الشوك
الكروفيط نخليه اخضر
الصلصة : 6 م ك الربيع + نص م ص ازير مطحون + م ص كامون + م ك هريسة او سودانية + نص كاس عصير حامض + ملح + 2 ضامة سمك او م ك عطرية الحوت او بلاش كاع + كاس ونص زيت نخلط او نوع واحد + م ص مطيشة الحك اختيارية + م ك تحميرة اختيارية + 8 ثوم مدقوق او ممعوس + 3 اوراق سيدنا موسى ونخلط الكل في علبة كبيرة ونديرو في كاصرول يتشحر 3 دقايق ونحيدو 
ندير الشعرية الصينية رابعة نديرها في الما ديال الكلمار ومن بعد ما طلق نصفيها ونغسلها بالما براد مزياان ونقطعها ونديرها في اناء كبير + الكلمار + الكروفيط + شومبينون ابيض + اسود مرقد في ماء مغلى ونخليه يغلى شوية حتى يتنفخ مزياان ونغطيه ونخليه 10 دقايق او اكثر حتى يرطاب ونغسلو بالما بارد من بعد ونقطعو رقيق + 2 م ك صلصة الصوجا ثقيلة 
من بعد ما نخلط نسقطر الكل في شبكة من الزيت 
ناخد ورقة بسطيلة ندهنها بالزيت اللي صفيت على الوجهان 
ملاحظة : ممكن ندير من الاول غير نص كاس ديال الزيت و بلا ما نصفيها

photos du net

Voir les commentaires

باكيط حلو - الشيف هدى اليداري

باكيط حلو - الشيف هدى اليداري

نحضر العجين المورق 
نص كيلو الدقيق + ملح + م ص الخل + م ك سنيدة + م ك الزيت + م ك زبدة ونجمع بالما بارد وطلع ما ثقيلة ما خفيفة 
وندلكها غير شوية حتى ترطاب ونغطيها ونخليها ترتاح
نديرها على شكل حربول ونقسمها على 8 
نرش الدقيق على الطاولة ونورق وحدة بوحدة بالمايزينا 
200 غ زبدة ديال التوراق نقسمها شرائح رقيقة على 7 
بين كل دائرة نحط 7 شرائح من زبدة ونحط الدائرة الاخرة الفوق و هكدا حتى نكمل 
ونديرها في ساشي وندخلها المجمد 10 دقايق 
نخرجها ونرش بالمايزينا او الدقيق و نطلقها بالمدلك على شكل مستطيل وكون رقيقة على قد عرض الاصبع 1 سنتيم ونقطعها على شكل مستطيلا ت طوال 10 سنتيم وندهنو بالزبدة تقريبا م ك مدوبة نرش 2 م ك سنيدة ونحط فوق منها عجين اخر 10 سنتيم ونطلق بالمدلك حتى تنسجم ونطلقها مزيآن ونقطعها مرة اخرى شرائح قياس 2 الاصابع 
كل شريط نلويه باليد ديالي وندهنو ببيضة فيها م ص الما و م ص سنيدة ندهنها كلها ونديرها في ورق الطهي او في لاطة فيها شوية الزيت او زبدة مدوبة و الدقيق مرشوش ونرش في الاخير فوق منها السنيدة وندخلها الفران سخون

photos du net

Voir les commentaires

العسل ديال المشروب الغازي - الشيف هدى اليداري

العسل ديال المشروب الغازي - الشيف هدى اليداري

2 كيلو سنيدة + حامضة متقبة بعود اسنان + ايطرو من مشروب غازي اسود ونحرك مزيآان ونخليه يطيب 20 دقيقة في كوكوط ونضيف من بعد نص كاس عنبة مغلى ونخليه يطيب مازال 15 دقيقة

photos du net

Voir les commentaires

الدجاج مشوي ديال الاعراس - الشيف هدى اليداري

الدجاج مشوي ديال الاعراس - الشيف هدى اليداري

ناخد دجاجة نغسلو مزيآن ونخليه بالجلدة وندير ليه الملح ونبخروه من بعد ما نتقبو غير شوية ماشي بزآاف المهم يدخل فيه الطياب 
الصلصة : م ك زبدة مدوبة + 2 م ك زيت العود + نص م ص زعتر اوراق محكوك بين اليد + م ص قزبر يابس + راس م ص ازير مطحون + م ص موطارد + ملح + نص م ص كامون + شوية ابزار + م ك عصير الحامض او خل الحامض + م ص صلصة الصوجا ثقيلة + زعفران حر اختياري و نخلط الكل وندهن الدجاج كامل ونديرو في ورق الطهي وندخلو الفران الدار او فران الزنقة او شواية تقريبا ساعة الطياب في الدار 
نقدموه فوق الخض ومرافق لقشاوش الدجاج مشرملين مع البصل

photos du net

Voir les commentaires

حلوى ساهلة ماهلة - فاطمة

حلوى ساهلة ماهلة - فاطمة

2 بيضات + 2 كاس عنبة زيت + 2 كاس سنيدة + 2 خمارة + 2 م ك النشا + قبصة ملح ونخلط الكل وندير الدقيق حتى يتجمع العجين يكون مرخوف 
نكرص العجين في لاطة مدهونة بالزيت رقيق وندهنها بالكونفتير أي نوع يكون جاري ونرش اللوز او الكاوكاو ايفلي وندخلها الفران
مللي تخرج نقطعها مربعات

photos du net

Voir les commentaires

بريوات بالفرماج و البطاطا - فاطمة

بريوات بالفرماج و البطاطا - فاطمة

كيلو البطاطا مقشرة طريفات وتصلق و الما غير القياس فاش تصلق و الملح و ابزار ابيض حتى تقرب تنشف في الما ديالها ونضيف نص كاس الحليب عنبة و نطفي البوطة ونخليها تشرب الحليب + بكية فرماج مربع ونعمر البريوات

photos du net

Voir les commentaires

1 2 3 4 5 6 7 8 9 10 20 30 40 50 60 70 80 90 100 200 > >>