Overblog Suivre ce blog
Administration Créer mon blog

Articles avec #glaces et sorbet catégorie

كاطو كلاصي – الشيف هدى اليداري

كاطو كلاصي – الشيف هدى اليداري

جينواز : 4 بيضات مفصولين + 120 غ فورص + 120 غ سنيدة + 80 غ شكلاط اسود + 20 غ زبدة + قبصة ملح + نص خمارة مغربلة 
اصفر البيض نضيف عليه سنيدة ونطرب بطراب كهربائي حتى يولي الخليط ابيض + الشكلاط دايب مع الزبدة ونضيف شوية بشوية و انا كنطرب
ابيض البيض نطلعو مع قبصة ملح مثل الثلج ونضيفو على الخليط وانا كنحرك غير بشوية بملعقة خشب منلتحت لفوق و نضيف الدقيق + نص خمارة 
نقسم الخليط النص نديرو في 2 لي مول نفس القياس 24 او 20 وندخلها الفران طيب 8 دقائق او اكثر حتى طيب 
لاموس شكلاط : 300 غ شكلاط غني اسود + 40 غ سنيدة + 2 اصفر بيض + 500 غ كريم فريش + 3 م ك ماء
ندير الشكلاط في حمام مريم 
نوجد السيرو : سنيدة و الما فو النار حتى يولي سيرو ونحيدو من النار ونضيفو على 2 اصفر بيض 
نص كيلو كريم فريش نطربها بطراب كهربائي غير حتى طلع وتنشف شوية ماشي بزآف + خليط اصفر البيض مع التطراب + الشكلاط شوية بشوية وانا كنطرب بسرعة حتى يولي موس ناشف 
لاجينواز من بعد ما تبرد ما كنسقيهاش 
100 غ براليني + 100 غ فويلتين نخلط حتى تنسجم
ناخد الاطار نحط فيه طبقة من لاجينواز فوق منها خليط البراليني و الفويلتين + الكريمة + طبقة من لاجينواز + الكريمة وندخلها المجمد 3 ساعات و مللي تخرج ندير ليها كلاصاج 
100 غ سنيدة + 40 غ الما + 70 غ كريم فريش + 40 غ بودرة الكاكاو 
في كاصرول : الما و السنيدة حتى يغلى + الكريمة حتى تغلى مزيآن + الكاكاو + 2 جيلاتين او م ص بودرة الجيلاتين مدوبة في 2 م ك الما مغلى 
ونخليه يبرد ونخويه فوق من الحلوى وفوق منها الشكلاط دوائر او مثلثات

photos du net

Voir les commentaires

كاطو كلاصي طبقات - نعيمة من الدار البيضاء

كاطو كلاصي طبقات - نعيمة من الدار البيضاء

نص ايطرو بارد + علبة كريم فريش + ياغورت + حليب مركز محلى علبة 397 غ 
+ 50 غ اللوز محمر بالقشرة ومحرمش + 50 غ بيسطاش اختياري + 2 م ك شكلاط غبرة حلو + 2 م ص قهوة سريعة الدوبان + قطرات من الملون 
الطريقة : نطرب بطراب يدوي الحليب مع كريم شونتيي حتى يطلع مزيآن + حليب مركز محلى و انا كنطرب + ياغورت ونطرب ونقسم الخليط على 3
القسم الاول نضيف ليه الشكلاط غبرة ونخلط ونخوي في قالب كيتحل من الجوانب ونرش الفواكه الجافة وندخلها المجمد حتى تشد 
القسم الثاني : نضيف ليه شي منسم فاني او قشرة حامض ونخويها فوق الطبقة الاولى ونرش عليها الفواطه الجافة ونرجعها المجمد 
القسم الثالث : نضيف ليه القهوة ونرش بالفواكه الجافة ونردعو للمجمد 6 ساعات
مللي نخرجها نزينها على حسب الدوق

photos du net

Voir les commentaires

حلوى كلاصي – هدى اليداري

حلوى كلاصي – هدى اليداري

 

4 بيضات + قبصة خل + قبصة ملح + 200 غ سنيدة ونطرب بالطراب الكهربائي حتى يعطينا كريمة ونضيف +2 م ك زيت + م ك الما ونطرب + 200 غ الدقيق نص خمارة ونطرب 5 دقايق حتى ولي الكريمة بيضاء ونسرحو في اللاطة تقريبا 30/40 وندخلها الفران سخون مسبقا 3 دقايق كامل ونخليها طيب من لتحت ثم من الفوق
الكريمة : ناخد ايطرو الا ربع لاكريم فريش باردة نطلعها مزيآن
150غ سنيدة مع نص كاس الما عنبة + فاني يغلى فوق النار حتى دوب السنيدة ويتقال غير شوية
4 اصفر بيض نطربهم و نطلعهم مع السيرو يكون سخون نضيف شوية بشوية وانا كنطرب بالطراب الكهربائي بسرعة كبيرة حتى تولي كريمة بيضاء ونضيفها على لاكريم فريش + علبة فرماج كريمي + 4 اوراق الجيلاتين محضرين مسبقا
الكريمة ممكن نضيف ليها بودرة لكاوكاو ايلا بغينا لونها بني
ممكن اضافة الفواكه او اللوز او أي اضافة
مللي تخرج لاجينواز وتبرد نسقيها بالحليب مخلط مع الفاني و م ص سنيدة
وندير فوق منها الكريمة ونزينها
نرش اللوز ايفيلي محمر في الجوانب و الوجه نزوقوا بالناباج 4 م ك مخففة يعني مطرب شوية + نص م ص حليب مركز محلى ونديو فوق الوجه كاملة وندير لاشونتيي في الجوانب على شكل وريدات ونزوق بالسوري زاو نكتب بالشكلاط
ملاحظة : ايلا كانت لاكريم فريش ما حلواش نضيف ليها كاس عنبة سكر كلاصي


 

Voir les commentaires

حلوى عيد الميلاد بعجين السكر

حلوى عيد الميلاد بعجين السكر

ناخدو المول ديال 26 او 28 سنتيم دائري او مربع 
لاجينواز : نطرب 5 بيضات مع 250 غ سنيدة رقيقة جدا + م ك الما ونخدمو مزيآن حتى يولي كريمة بيضاء + فاني + 250 دقيق مغربل مع نص خمارة او خمارة باش يجي الكيك عالي ونطرب مزيآآان مزيآآن 10 دقايق تقريبا في كل مرحلة بدون زيت ولا زبدة
نديرها في المول وندخلها الفران سخون 8 دقايق من قبل ونديرها طيب تقريبا واحد 10 دقايق او اكثر حتى طيب و تنشف ونخليها تبرد ونديرها في المجمد 10 دقايق باش تقساح وعاد نقسمها على 2 ء وما نسقيهاش نخليها هكداك 
الكريمة : نصاوب لاكريم باتيسيير ونضيف ليها 2 ياغورت كريمي ونطرب ومللي تبرد شوية + زبدة تقريبا 350 غ مرخوفة مع التطراب + 150 غ بودرة اللوز بالقشرة محمر حتى يولي اللون ديالو بني لداخل ونطحنوه 
ندير الكل في المجمد 10 دقايق ونبدا نخدم بيها 
ندهن الوجه الاول من الكيك بنصف كمية الكريمة ونحط الوجه الاخر من الكيك فوق منو ما تبقى من الكريمة ندهنها كلها وندخلها المجمد ساعتين تقريبا وعاد من بعد ندير فوق منها عجينة السكر

photos du net

Voir les commentaires

حلوى فوري نوار - هدى اليداري

حلوى فوري نوار - هدى اليداري

5 البيضات يطربو مع كاس ونص سنيدة + نص م ص الخل + قبصة ملح ويتطربو + كاس الزبدة مدوبة ونطرب + 3 كاس دقيق مغربل معاه نص كاس بودرة الكاكاو + 3 خمارات ونطرب مزيآن غيكون العجين تقيل بزآاف 
كل ما كان العجين تقيل تكون لاباط خفيفة
ندير العجين وسط لاطة مدهون و مرشوش بالدقيق او الكاكاو ونسرحو بظهر ملعقة و تدخل الفران ربع ساعة من لتحت فقط
تحضير الكريمة : ايطرو لاكريم فريش بارد مزيآان ونطلعها + 4 م ك بودرة الكاكاو مغربلين + رابعة السكر و نطرب عاوتاني + نكهة النوازيط ايلا كاينة
نخرجها و نخليها تبرد مزيآآن وندير خيط من الجوانب و نقسمها على 2
ناخد اطار حديدي مربع و نطراسي بيه الحلوى وندير تحت منو طرف ديال الكارطون ونسق الجينوازة الاولى ب 2 كاس حليب مع م ص قهوة سريعة الدوبان + 2 م ك سنيدة ونحرك مزيآن و نسقيها بلا ما نسخنها تقريبا بنصف الكمية
نحط نصف كمية الكريمة فوق لاجينواز ونرمي فوق منها قطع اللوز او الكركاع او الشكلاط طريفات و ندير فوق منها لاجينواز الثانية و نسقيها بالحليب و القهوة وندير فوق منها الكريمة وندخلها المجمد 4 ساعات
نخرجها وندير ليها الكلاصاج
الكلاصاج : كاس كبير الما في كاصرونة + رابعة الشكلاط + م ك الكليكوز على نار مباشرة حتى يدوب الشكلاط
نحيدو من النار ونضيف 150 غ بودرة الكاكاو مع التحراك بالطراب اليدوي
نديرو ثاني فوق النار دقيقة مع التحراك غير يغلى و نحيدو
نديرو فوق من الحلوى من بعد ما خرجناها من الاطار ونزوقها باش ما بغيت ونرجعها للثلاجة نص ساعة

photos du net

Voir les commentaires

حلوى عيد الميلاد كلاصي – هدى اليداري

حلوى عيد الميلاد كلاصي – هدى اليداري

4 بيضات + نص م ص الخل + م ك الما او 2 + 200 غ سكر سنيدة + 200 غ بيسكوي مطحون بودرة + 50 غ او م ك مايزينا + نص خمارة ندمج الكل ونخلط شوية بشوية بدون طراب كهربائي حتى تنسجم وعاد نطرب بالطراب + م ك زبدة مدوبة 
نديرها فوق ورق الطهي مدهون بالزيت وندخلها الفران في لاطة قياس 30/40
او نعبر على ورق الطهي هاد القياس ونحط الخليط عليه 
طيب من لتحت خصها تكون صفراء 
مللي تخرج نسقيها بكاس كبير الحليب بارد تقريبا تكون حرارتو عادي فيه روح النوكا او روح الفاني او ساشي فاني 
ندير لاجينواز في اطار أي شكل مدهون في الجوانب بالزيت وندخلها الثلاجة الوقت اللي نحضر الكريمة 
ايطرو كريم فريش تكون مسبقا في المجمد و لكن غير باردة ماشي مثلجة ونطربها في اناء بارد حتى هو ونطربها وفي النص ديال العملية نضيف 2 بودرة الكلاص بمداق الكراميل ونبقى نطرب حتى تنشف وتولي بحال الثلج + 2 فلون كيسان عنبة فلون كراميل مصاوب في الدار ونطرب + اللوز محمر شوية بالقشرة ومهروش + بكية بيسكوي قطع صغيرة 
الطبقة المقرمشة : 100 غ شكلاط اسود مداب + ربع كاس لاكريم فريش ونطرب ونخليه فوق النار ونحرك بالعود حتى ينسجم ونحيدها من النار + 100 غ لافويلتين او الرقائق المقرمشة يكون لونها أي لون الا الصفراء 
نجبد لاباط من الثلاجة وندير طبقة مقرمشة وندخلها المجمد 5 دقايق او اكثر حتى تجمد 
ونضيف الكريمة ونسرحها مزيآن وندخلها المجمد 5 او 6 ساعات 
ومللي نخرجها نزينها باللوز ايفلي من الجوانب و الوجه ندير عليه 2 م ك الناباج مخلط مع م ص حليب مركز محلى ونغطي الوجه كامل ونكتب اللي بغيت ونزوق


Voir les commentaires

كلاص - هدى اليداري

كلاص - هدى اليداري

نص ايطرو حليب + 2 م ك مايزينا او فورص مغربل + فاني + 2 م ك سنيدة ونطرب مزيآن فوق النار مهيلة حتى تقال شوية ونطفي البوطة ونضيف 200 غ شكلاط ابيض+ حتى يبرد + 2 بنانات ممعوسين + 4 فرماجات + ونطرب + 2 ياغورت كريمي + نص م ص عصير حامض + أي نكهة ونديرو في الثلاجة
photos du net

Voir les commentaires

كلاص – هدى اليداري

كلاص – هدى اليداري

نص ايطرو حليب في كاصرونة + 2 م ك سنيدة + 2 م ك مايزينا + ساشي فاني ونطرب باليد ونديرو فوق النار حتى يختار ونضيف نص م ص زبدة ونخويه في علبة وهو باقي سخون نضيف عليه 8 قطع شكلاط ونطرب مزيآان + 2 فرماجات أي نوع + 2 ياغورت كريمي حلو ونطرب مزيآان ونخويه في علبة ونخليه يبرد وندخلو المجمد 4 ساعات او اكثر

Voir les commentaires

لطيفة من مراكش - الكلاص بالحامض

لطيفة من مراكش - الكلاص بالحامض

كاس عنبة الما + كاس عنبة عصير حامض مصفي + كاس الاربع سنيدة
الما فوق البوطة ومعاه سنيدة على نار مهيلة + عصير حامض مع التحراك 5 دقايق ونحطو يبرد شوية ونطرب بالطراب دقيقة حتى كطلع فيه الفقاهات كثيرة ونحيدو ديك الطبقة بملعقة ونديرو في بواطة ونديري فيه العويدات او في مولات صغار او كريات صغار وندخلو المجمد ليلة كاملة


Voir les commentaires

كلاص - ام سماح من وجدة

كلاص - ام سماح من وجدة

حك حليب مركز محلى + علبة شونتيي + ربع ايطرو الحليب + 2 فاني + 6 بيضات 
نطرب اصفر البيض مع حليب مركز محلى ونخليه جانبا 
ونضرب بيضا البيض مع شوية الملح حتى يطلع بحال الثلج ونخليه جانبا 
ونطرب الشونتيي مع الحليب ونخليه على جنب
خليط اصفر البيض نخلطو مع خليط الشونتيي مزيآان + الفاني + بياض البيض شوية بشوية ونحرك بملعقة خشب وندخلو المجمد ليلة

photos du net

Voir les commentaires

1 2 > >>