Overblog Suivre ce blog
Administration Créer mon blog

سطيك الدجاج او لاداند او الحوت - هدى اليداري

steack.jpg

 

 

photos du net

 

 

ناخد رابعة لي سسطيك ديال الدجاج او لاداند او الحوت و نديرو على شكل مستطيلات و يتغسل و ستقطر من الما + م ك الربيع + ربع م ص الكامون + نص م ص طحميرة + سودانية + 2 م ك زيت عود + نص م ص عصير الحامض + 1 ثوم + راس م ص ازير + ربع م ص عطرية الحوت اختياري + ملح + ربع م ص موطارد اختياري و نشرملوا مدة ساعة او اكثر و ندوزو في بيضة مطرية فيها شوية الملح و ثوم غبرة و ابزار و ندوزو في شابلير و نقليهم او ندخلهم الفران من بعد ما نرشهم بالزيت 
و نقدموا مع الخص و الحامض و الشلاظة


Voir les commentaires

سوندويش الطون - هدى اليداري

Cuban-Sandwich-500-4623.jpg

 

 

photos du net

 

 

الخبز بانيني او ديال السوندويتش او خبيزات صغار ندهنوا من الفوق و لتحت بشوية من خليط فرماجة مخلطة مع م ك ما يونيز + الطون مصفي + كاشير محكوك + بطاطا مصلوقة و مصفية و مشرملة بزيت المائدة و ملح و ابزار و قطيرات من عصير الحامض او الخل + الخص + مطيشة او بصلة اختياري و ندير فوق منهم الصلصة اللي بقات + فرماجة ديال السوندويتش المربع ونديرو في بريصة او في المقلة و نضغط عليها الفوق


Voir les commentaires

بصطيلة ديال الدجاج اقتصادية - هدى اليداري

fb8d7a2f07a54f3635c3cd447854a317.JPG

 

photos du net

 

قطعة في طنجرة + بصلة كبيرة مشلظة رقيقة +م ك زبدة + ملح + ربع كاس زيت + نص م ص سكينجبير + نص م ص عطرية دجاج + م ص عصير حامض + ابزار + 3 م ك الربيع + خرقوم بلدي او ملون او زعفران حر و نشحر على نار مهيلة مزياااااان مزياااان حتى تبدا دوب البصلة ومن بعد نضيف كاس عنبة الما و نخلي الدجاج يطيب على نار مهيلة 
نحيد قطع الدجاج ونفرتو و نخلي البصل ينشف من الما 

الزيتون مقطع او الشومبينيون اسود و العادي نضيفو على البصل + هريسة او السودانية + م ص الربيع و نشحر مزيااان + بكية الشعرية الصينية مرقدة في الما طايب و مغسولة في الما بارد و مقطعة او مرقدة غير في الما بارد ونشحرها 2 دقايق + الدجاج + م ك صلصة الصوجا ثقيلة اختيارية و نشحر حتى تعلك و نخليها تبرد 
ونعمر بيها البصطيلة وندهن الوجه بشوية الزيت و دخل الفران

Voir les commentaires

كرطان ديال لي باط مع الحوت - هدى اليداري

9621091

 

photos du net

 

 

رابعة لي باط من اي نوع يتصلقوا في ورقة سيدنا موسى و ضرس الثوم و 2 م ك زيت عود و ملح و ابزار و طريف زبدة اختياري ما تصلقش في ماء كثير وما نطيبهاش بزااف وما نغسلوهاش من بعد 
ناخدوها + 2 م ك زيت عود + ابزار + ملح غير شوية او بلاش كاع و تشحر شوية في مقلة ونديروها في مول مدهون بزيت العود وندير فوق منها الحوت 
ناخد اي نوع ديال الحوت او ثلاثة الانواع : الكروفيط و الكلمار و حوت هبرة القرب أحسن او الفرخ 
2 م ك زيت العود + شوية ثوم غبرة او 1 ثوم + ملح + راس م ص ازير مطحون + شوية عطرية الحوت او ابزار + م ص عصير حامض و نشحر الحوت مزيان على نار عالية 
ايلا كنا غادي نخدموا بلاثة ديال الانواع نشحروا كل واحد بوحدو 
الكلمار كنقطعوه مربعات صغار و يتشحر على نار عالية 
الكروفيط حتى هو على نار عالية 
القرب او اي حوت نبخروا و نرشو بالملح و ازير و عصير الحامض وزيت العود و ثوم غبرة وعطرية الحوت 
من بعد ما درنا لي باط في المول و فوق منها الحوت نديرو فوق منها الصلصة 
علبة من قشدة طرية في كاصرونة + 3 فرماج مربع او مثلث + ربع م ص ثوم غبرة + نص م ص بصلة غبرة و الملح و ابزار ونخلط على النار 2 دقايق و نضيف فرماج احمر محكوك بعد ما نطفي البوطة + راس م ص ازير و نخويها على الخليط وتدخل الفران

 

Voir les commentaires

حلوى باردة – هدى اليداري

125550-1.jpg

 

photos du net

 

 

10 تمرات + شوية الكاوكاو او اللوز محمر و مهروش + شوية الزبيب + شوية الكوك + شوية الكركاع اختياري + الحلوة اللي شايطة او اللي خسرات و نحكها في حكاكة غليظة باش تكون حبيبات و نخلط كولشي ب 2 ياغورت فرماج او حليب مركز محلى او العسل و نجمعوه على شكل كويرات و نغطسو في شكلاط ابيض او اسود وندوزو في كاوكاو او اللوز محمر و مهروش او الكوك و نحطها في كويغطات .

Voir les commentaires

كيكة باردة بالفواكه الجافة - هدى اليداري

cake-fruits-confits.jpg

 

photos du net

 

 

200 غ زبدة دايبة و هي باقة سخونة باقة فوق النار + الشكلاط ابيض 200 غ ونحرك و نطفي البوطة 
5 بيضات نطربهم مع م ص الخل و م ص كليكوز او م ك كونفتير مشماش + قبصة ملح و نطرب مزيااان بالطراب اليدوي و نضيف عليه خليط الزبدة و الشكلاط و نطرب مزيااان + 300 غ طحين مغربل مع 3 خمارات + م ك بودرة اللوز او م ك النشا و نخلط كتكون كيكة ثقيلة + فواكه جافة تقريبا كاس في كل الفواكه .... لوز وكركاع + زبيب + شكلاط مقطع او محكوك + كوك م ك + كاوكاو + تمر + مشماش + فواكه معسلة ... اما نستعملهم كاملين او اللي كاين في الدار و نديرها في مول كبير مربع او داير و ندخلها الفران طيب من بعد ما ندهنوا اللاطة 2 مرات و نرشها بالطحين
مللي تخرج نخليها تبرد 
كاس الليمون كبير فوق النار يسخن + م ك سنيدة او 2 م ك حليب مركز محلى و نحرك حتى يدوب و يغلى 5 دقايق باش يتقال شوية و نسقي بيه الكيك من بعد ما نتقبو الكيك بعود الاسنان 
ونخليها في المول دائما مدة ساعتين في الثلاجة و من بعد نخرجها من المول ... او نخليها حتى نبغي نقدمها عاد نقلبها من المول . 
للتزيين تدهن بشوية العسل و ترش بشوية الكوك او خطوط الشكلاط او اللوز مهروش

Voir les commentaires

حلوة ريشبوند لهدى اليداري

Voir les commentaires

حلويات مشكلة باللوز لهدى اليداري

Voir les commentaires

الفطور الذي أنجزته هدى اليداري في راديو شدى إف م

Voir les commentaires

اسهل طريقة للفقاص - هدى اليداري

img6111.jpg

 

 

photos du net

 

 

 

في كصعة : كيلو ونص الدقيق + في وسطو حفرة فيها 300 غ زبدة مرخوفة + 7 بيضات + قبصة الملح + 300 غ سندة + اللوز بالقشرة مهروش بلا تحمار + شوية النافع و الزنجلان و الزبيب اختياري + 2 م ك ماء الزهر + 2 م ك ماء بارد + خمارة وحدة باش ما يتشققش لينا الفقاص + ربع م ص الخميرة الفورية باش يجي رطب و منفوخ + م ك كونفتير باش يجي معلك 
الزبيب ممكن نجمدو ونهروشو باش ما يبانش في العجين 
في بلاصة الزنجلان و اللوز و النافع و الزبيب نديرو في بلاصتهم فواكه كونفي مع قشرة نص ليمونة 
نعجنوا العجين وندلكوه غير شوية و نديروه حرابل و ندهنوه نصف كاس الحليب و م ك بودرة الكاكاو و فاني - و نخليوه يخمر 15 دقيقة
من بعد نعاود ندهنوا و ندخلو الفران بارد حتى يطيب من لتحت على نار 180 ندهنو اللاطة بشوية الزيت
نعرفوه بالسكين ندخلوه في العجين
ومن بعد نطيبوه من الفوق 
مللي نخرجوه نغطيوه بفوطة مبللة بشوية ديال الما زهر 3 دقايق 
من بعد ساعتين نقطع واو نديروه في المجمد ساعة و نقطعوه 
ونعاود ندخلو الفران بلا ما ندهن اللاطة 
ايلا كان كيتحل فاش نكونوا كندوروه حرابل نضيفو ما زهر ولا الماء

Voir les commentaires

1 2 3 4 5 6 7 8 9 10 > >>