Overblog Suivre ce blog
Administration Créer mon blog

غراتان بطاطا مميز وسهل هدى اليادري

 غراتان بطاطا مميز وسهل هدى اليادري

 

4 حبات بطاطا بيضاء تنقى وتقطع دوائر وتسلق في كاس ماء كبير مع رقة سيدنا موسى شوي الملح ربيطة ربيع ونخليوها تسلق 10 الدقايق
بالنسبة للصلصة
ماء اللي بقا من سليق البطاطا+كاس حليب في خلاط كهربائي تم كنزيدو 2 ك زيت زيتون +شوية الملح +ربع م ص تومة غبرة +م ك طحين اونشا ونخلاطو الكل تم كنردوه للكاسرون فوق عافية مهيلة يغلى بحال صلصة البشاميل وكنضيفو عليه قطعة فرماج متلت
طريقة
كناخدو مول الكرطان كندهنوه بالزيت العود او الزبدة وكنستفو البطاطا المسلوقة وكنصبو عليها لاصوص تم كنحكو عليها الفرماج الى مكانش فرماج كنعوضوه كناخدو بيضة مع 2 قطع فرماج متلت شوية فلفة حمرة الملح وكندهنو بها الوجه الكرطان وتدخل الفران ربع ساعة
بالصحة والراحة

photos du net

Voir les commentaires

رغايف معمرين في الفران هدى اليادري

رغايف معمرين في الفران هدى اليادري

نص كيلو دقيق ابيض+نص كيلو دقيق اصفر او الفينو +1خمارة حلوة +م ص خميرة الخبز +ملح +شوي ابزار +م ك زيت زيتون
+2 قطرات خل +قبصة سكر وماء دافي نجمعو العجين
كنجمعو العحين مزيان حتى تولي العجينة لينة شوي ونخليوها تخمر ربع ساعة تم نعاودو ندلكوها يخرج منها الهواء ونصيبو منها
كويرات ونخليوهم جانبا
الحشوة
كاس ونص زيت المائدة +3بصلات مشلضين رقاق و2 فصوص تومة محكوكين رقيق +ورقة سيدنا موسى كنشحرو البصلة
هي الاولى حتى كتدبل تم كنزيدو عليها فلفة خضرة مقطعة مربعات حتى تشحر عاد كنزيدو 3 ديال خيزوات محكوكين في حكاكة
صغيرة تم شوية سكنجبير +4 م ك ربيع مكرد رقيق +نص م ك كامون +ملح +شوية الهريسة او السودانية +نص م ص عطرية
اللحم او المروزية
كاضافة ممكن تشحري الكفتة مع الماءوتزيدها او الزيتون مقطع او الشمبنيو مسحر بالزبدة او الكروفيت اللي بغتي او تخلي
الوصفة غير بالبصلة والفلفة والخيزو
الطريقة
كنورقو المسمن رقيق حتى كولي شفاف كنورقو بزيت فيها شوية تحميرو ربيع او زيت الحشو كنحطو شوي من الحشو كنسدو
عليه مربع وكنعاودو نحطو عاود شوية الحشو وكنسدو المسمن كيف العادي مربع نستفو في الطاوة الفران وندهنو المسمن من الفوق
بزيت الحشو ومنكرصوش باش منين يطيب يجي منفوخ 

photos du net

Voir les commentaires

عصير الحامض و الزنجبيل الصحي و المنعش هدى اليادري

عصير الحامض و الزنجبيل الصحي و المنعش  هدى اليادري

3 حامضات كنعصرهم +وحدة بقشورها وكنحيدو ليها العضم كنعملوهم في خلاط كهربائي مع لتر ماء مع 200 غرام من سنيدة
كنطحنو كلشي في الخلاط الكهربائي تم كنصفيوه ونعاودو نطحنوه مع م ك من سكنحبير طري محكوك والى خاصنا السكر كنزيدو
50 غرام ونعاودو نطحنو مزيان ونصفيو مرة اخرى مزيان ونقدموه بالصحة والراحة

photos du net

Voir les commentaires