Overblog Suivre ce blog
Administration Créer mon blog

كاشير - هدى اليداري

كاشير - هدى اليداري

في خلاط كهربائي : 6 بيضات + 200 غ كفتة أي نوع + 6 م ك الروز ابيض مصلوق + ربع كاس زيت عادي او زيت زيتون + ملح + ابزار + تحميرة م ص لاجل اللون الوردي + ايلا بغينا اللون احمر نضيف م ص مطيشة الحك + خمارة + 1 ثوم + الربيع اختياري ايلا بغيت نسم ونخلط كولشي ونديرو في قراعي ديالهم او ميكة ديال السباكيتي مسدودة من الجناب و نخلي الفراغ في الاخير ونديرهم في وسط كوكوط نص ساعة من بعد التصفار ونطفي ونخليها حتى تبرد ونحلها ونديرو في الثلاجة
photos du net

Voir les commentaires

التقلية بالحمص - هدى اليداري

التقلية بالحمص - هدى اليداري

ندير كيلو التقلية في الطنجرة + بصلة شرائح + 3 ثوم + نص كاس زيت + 2 م ك الربيع + ملح + ربع م ص ابزار + نص م ص سكينجبير + خرقوم بلدي + عطرية اللحم اختيارية + عود قرفة صغير + ربع كاس الما ونخليها تشحر 5 دقايق ونضيف الحمص ونخليه يتشحر مزيآن + الماء + زعفران حر ونخليها طيب 
في الاخير نضيف شوية السمن و القرفة

photos du net

Voir les commentaires

الكريمة ديال الكاب كيك – هدى اليداري

الكريمة ديال الكاب كيك – هدى اليداري

علبة الكريم شونتيي فاني ندير معاها كاس عنبة بارد من الثلاجة ونطلعها حتى تولي بحال الثلج + ياغورت كريمي او 100 غ الجبن ونطرب حتى يتقال بالطراب الكهربائي + النكهة اللي بغيت : فاني او خوخ او شكلاط بالبودرة ديال الكاكاو او النوكا او الكراميل ......

Voir les commentaires

التقلية ديال الاعراس - هدى اليداري

التقلية ديال الاعراس - هدى اليداري

نقي التقلية مزيان + لحم الراس مقطع طراف + الكريعين في طنجرة + بصلة محكوكة + بصلة مشلظة + 6 ثوم محكوك + الربيع 4 م ك + 2 عود قرفة مغسواين + م ك السمن و ايلا كان حار ندير غير م ص + نص كاس زيت العود + م ك عطرية اللحم او المروزية + الملح + نص م ص ابزار + م ك سكينجبير + 2 م ك عصير الحامض + خرقوم بلدي م ص ونخلط مزيان ونخليه يتشحر نص ساعة .... ايطرو ماء + 2 تمر بدون عظم ونخليه يطيب ومن بعد ما يطيب نحل الطنجرة ونخليها تشرب ونضيف الزيتون احمر مشقق ويكون مغلي مسبقا 
في الاخير نزين بالحامض مصير

photos du net

Voir les commentaires

طريقة طهي المحار - هدى اليداري

طريقة طهي المحار - هدى اليداري

الما يغلى فيه طريف بصلة صاين + الملح تقريبا م ص + طريف حامض + 1 ثوم ونديرهم في الما من بعد ما يغلى 5 دقايق حتى يتحلو ونقدمهم مع الحامض

Voir les commentaires

غريبة اللوز معمرة - هدى اليداري

غريبة اللوز معمرة - هدى اليداري

كيلو اللوز نصلقو ونقي ونشفو + قشرة حامضة كبيرة او ليمونة + م ص روح الزهر + 2 م ك حليب بودرة ونطحنوه مع نص كيلو سكر كلاصي 2 مرات + 3 بيضات + 2 خمارة + م ك زبدة مرخوفة + 2 م ك فورص + م ص الزهر او نص م ص روح الحامض ايلا بغينا مداق الحامض قوي وندير الوسط الحشوة بحال حب الملوك او نص رابعة اللوز مصلوق ومنقي ومقلي ومهروش رقيق + م ك او 2 حليب مركز محلى على حسب اللي غادي يجمع لي ونخلط وندير كويرات صغار بزآاف بحال الزيتونة وكل كورة ندير وسط منها هاد الحشوة ونجمعها وندوزها في السكر كلاصي سبيسيال ندير كمية كبيرة ونضغط عليها شوية باش يشد فيها ونديرها في لاطة و ندخلها الفران سخون من قبل 5 دقايق حتى تشقق ونخليها تقريبا 8 الى 10 دقايق كتكون رطبة لكن من بعد كتشد في راسها ونهزها من الفران غير بشوية
photos du photos

Voir les commentaires

لبينيي – هدى اليداري

لبينيي – هدى اليداري

نص كيلو فورص مغربل مع خمارة وندير فيه حفرة + 2 م ك سنيدة + م ك خميرة العجين + فاني + قبصة ملح + بيضة + الحليب اللي يجمع العجين + م ك زبدة وندفيه شوية فوق النار ونحيدو.. ونجمعو حتى يولي كورة وما خصش العجين يكون مرخوف بزآاف ونخليه يرتاح 5 دقايق مغطي ونطلقو بالمدلك ونقطع بفم كاس او زلافة صغيرة ونخليه يخمر مزيآان 30 دقيقة مغطي في مكان دافئ 
ندير حمام زيت سخون بزآاف وغير نرمي 3 او 4 ديال البينيي نرجع باش نقلب الاولى بسرعة باش يتنفخ 
نحلو من بعد وندير فيه اللي بغيت سواء الكونفتير او كريم باتيسيير


photos du net

Voir les commentaires

النوكا ديال الزنجلان - هدى اليداري

النوكا ديال الزنجلان - هدى اليداري

150 غ سنيدة + 50 غ كليكوز + 10 غ ماء ونديرها فوق النار حتى دوب تولي سيرو ونضيف 50 غ زبدة عبار + 200 غ زنجلان منقي مزييآآان ونخليه اخضر ونحرك بالعود ونخلط حتى ينسجم ونحطها بسرعة على شكل دوائر او في مول سيليكون فوق ورق الطهي في لاطة وندخلها الفران 10 دقايق من بعد نخليها تبرد و ندخلها المجمد

Voir les commentaires

كيكة الكوكوط - هدى اليداري

كيكة الكوكوط - هدى اليداري

3 بيضات مطربين + قطرات خل + م ك الما +كاس سنيدة + م ك كونفتير + نص كاس زيت + م ك زبدة مرخوفة ونطرب كولشي + الكاكاو ايلا بغينا مداق الشكلاط + 100 غ شكلاط مداب في حمام مريم + 2 خمارة + 2 كاس دقيق + نص كاس بودرة الكاكاو + ربع كاس حليب او ماء دافي نطرب كولشي وندهن الكوكوط بالزبدة ونخوي الخليط ونديرها فوق النار على نار مهيلة تماما او نديرالكوكوط فوق مقلة تقيلة سخونة مسبقا

Voir les commentaires

حريشات معمرين بالكفتة و الفرماج – هدى اليداري

حريشات معمرين بالكفتة و الفرماج – هدى اليداري

نص كيلو سميد رقيق + ملح + نحك شوية زعتر + م ك الربيع مقطع + نص م ص ثوم غبرة اختياري + شوية الكفتة مشحرة تقريبا نص رابعة تشحر غير في الما + بصلة صغيرة مشحرة في م ك الزيت + 2 خمارة + نص كاس زيت عود ونبسبس باليد ونضيف بيضة ونحرك بملعقة العود + كاس ونص عنبة ما عادي ونحرك بملعقة عود ونغطيها ترتاح 5 دقايق 
في مقلة تقيلة تسخن وندهنها بالزبدة ونحط فوق منها دوائر فارغة مدهونة بالزيت ونهز تقريبا م ك ونص من الخليط ونفندو في السميد رقيق ونحطو وسط الاطار 
في كل مرة ندهن الاطار بالزيت 
او ندير الخليط وسط 2 ميكات مرشوشين بالسميد من الفوق و لتحت ونطلقها ونقطع بشي دائرة ونهزها نحطها فوق المقلة

photos du net

Voir les commentaires

1 2 3 4 5 6 > >>