Overblog Suivre ce blog
Administration Créer mon blog

حلوى الكاوكاو - رشيدة دعبول من العيون

حلوى الكاوكاو - رشيدة دعبول من العيون

نص كيلو الكاوكاو + بكية 120 ريال ماركرين + كاس زيت عنبة + كاس سنيدة + بدون خميرة ولا بيض + الدقيق حسب الخليط + شوية قشرة ليمون
نصهدو الكاوكاو شوية ونطحنوه بالقشرة بودرة 
ونخدمو الزبدة مع السنيدة و الزيت + الكاوكاو + قشرة الليمون + الدقيق غير شوية القدر اللي يجمعها ونديرها على شكل غريبة وندخلها الفران ونشعل عليه من لتحت حتى طيب ومن بعد من الفوق 
نخليها تبرد ونحيدها من اللاطة وندوز الوجه في الشكلاط ومن بعد في الكوك او الكاوكاو مهرمش

photos du net

 

 

 

 

 

 

 

 

Voir les commentaires

حلوى باردة ديال الكاوكاو - رشيدة دعبول من العيون

حلوى باردة ديال الكاوكاو - رشيدة دعبول من العيون

 

مقادير العجين رابعة الدقيق محمر + م ك زبدة + كاس حليب مركز محلى + بيسكوي تقريبا رابعة يعني زلافة عامرة + م ك العسل + رابعة الحليب غبرة محمر شوية + كاس شكلاط مقطع طريفات + رابعة الكاوكاو محمر ومهروش بالقشرة في طحانة يدوية
نجمع الكل ونطلقو بين 2 بلاستيك ونخوي عليه الشكلاط دايب وندخلو الثلاجة حتى يبرد مزيآن ونقلبو ونخوي عليه الشكلاط من الجهة الاخرى ونرش عليه الكاوكاو محمر او الكوك وندخلوه يبرد ومن بعد نخرجوه نقطعوه

photos du net

Voir les commentaires

عصير منعش - رشيدة دعبول من العيون

عصير منعش - رشيدة دعبول من العيون

 

2 كاس حليب غبرة + 2 ايطرو الما + كاس سنيدة + م ك سنيدة حامضة + م ك روح الفاني + ياغورت البنان
ندير ايطرو الما في كوكوط يطيب و ايطرو الاخر نخلط معاه كولشي في خلاط كهربائي
مللي يغلى الما نحيدو من فوق النار ونخلط معاه باقي المكونات 
ونسد الكوكوط و ندير الصفارة ونفرش ليها الهيدورة ونغطيها مزيآان باش تسخن ونخليها ليلة كاملة او   اكثر ونديرو في لثلاجة

photos du net

Voir les commentaires

فقاص للمبتدئات - مستمعة

فقاص للمبتدئات - مستمعة

6 البيضات صغار او 5 كبار + 2 كيسان عنبة الزيت + 2 كيسان عنبة سنيدة + 2 فاني + 2 خمارة + شوية النافع + شوية الزنجلان + نص كاس ما زهر نرقد فيه حفنة اللوز ونمسحو ونقطعو بالموس 
البيض و السنيدة و الزيت نخلطو مزيآن ونضيف باقي المكونات + الخمارة والطحين خص العجين يكون خفيف شوية 
ونديرها حرابل وندهنها ببيضة مخلطة مع قهوة سريعة الدوبان ونزوقها بفورشيط وندخلها الفران بارد 
يطيب من لتحت ثم من الفوق شوية غير يشد في راسو وينشف ونحيدوه من الفران
تخليه يبرد على خاطرو حت الغد ليه وتقطعو بموس ماضي ثم دخلو الفران


Voir les commentaires

غريبة البهلة - مستمعة

غريبة البهلة - مستمعة

 

رابعة الزبدة + رابعة السنيدة + 2 كاس عنبة الزيت + م ص السمن اختيارية + ربع م ص قرفة + نص كاس زنجلان محمر ومهرمش + كاس اللوز محمر ومهرمش بالقشرة + بيضة + 3 خمارة + كيلو الا ربع الطحين 
نخلط الزبدة مع السنيدة و الزيت و السمن مزيآان و عاد نضيف باقي المكونات و الخميرة و الطحين هما الاخرين ونديرها غريبة وندخلها الفران بار د من لفوق حتى تشقق و عاد لتحت

Voir les commentaires

بسبوسة بالقشدة - هدى اليداري

بسبوسة بالقشدة - هدى اليداري

نص كيلو سميد + 2 بيض + 2 خمارة + نص كاس زيت عادي + كاس سنيدة + 2 كاس كبار حليب ونخلط الكل 
السميد في اناء + زيت + قبصة ملح + سنيدة + البيض + م ك زبدة + فاني و الخميرة ونخلط الكل باليد + الحليب ونقسمها على 2 
النص الاول نديرو في لاطة دايرة كبيرة مدهونة بالزبدة ومرشوشة بالسميد وندخلها الفران سخون شوية تقريبا حتى تنشف 15 دقيقة 
القشدة : كاس عنبة حليب + كاس عنبة كريم فريش نخلطهم + 2 م ك مايزينا + اصفر بيضة + قبصة ملح + ربع كاس سنيدة + فاني ونطرب او قشرة ليمون ونطرب مزيآان بالطراب اليدوي ونديرو فوق النار ونخليه يغلى وانا كنحرك بملعقة عود حتى تقال مزيآان 
نخرج البسبوسة من الفران ونخوي فوق منها القشدة من بعد ما بردات تقريبا خصها تبرد 15 دقيقة
ممكن اضافة 100 او 150 غ من الموتزريلا على القشدة قبل اضافتها وندخلها الفران 5 دقايق حتى ينشف الوجه 
ونخوي فوق منها الخليط الثاني وندخلها الفران طيب نشعل عليها من الفوق ولتحت

photos du net

Voir les commentaires

رغايف حلوين – لطيفة من مراكش

رغايف حلوين – لطيفة من مراكش

العجين : نص كيلو دقيق + بيضة + خمارة + فاني اختياري من الاحسن بلاش + م ك زبدة + م ك زيت + م ك سنيدة + خميرة معجونة 
الحشوة : نص زلافة صغيرة سنيدة فيها راس م ص قرفة + 2 فاني ونخلط الكل 
+ زلافة فيها الزيت و الزبدة للتوراق 
العجين : ناد المقادير ديال العجين نعجنوه بالما بارد وندلكها مزيآن ونقطعها كويرات
ناخد الكويرة 1 ونطلقها دائريا بالزيت و الزبدة ونرش عليها خليط السكر و القرفة و الفاني كلها ونطويها على شكل مربعات ونخليها جانبا
ناخد الكويرة 2 ندير ليها نفس الشيئ لكن ما نطويهاش نحط وسط منها المسمنة 1 وعاد نطويها 
ناخد الكويرة 3 نورقها غير بالزيت و الزبدة بلا ما ندير السكر و القرفة وندير وسط منها المسمنات اللي طويت ونطويها 
مللي نصاوب كولشي نديرهم في لاطة دهونة بالزيت ونرشهم بخليط السنيدة و القرفة وندخلهم الفران


Voir les commentaires

صابلي بريستيج – هدى اليداري

صابلي بريستيج – هدى اليداري

رابعة الزبدة العبار + 100 غ سكر كلاصي + 2 م ك زبيب مجمد ومطحون في 1ء2ء3 + فاني + كاس بودرة اللوز محمر بالقشرة + م ك لاكريم باتيسيير بودرة او ساشي فلون عادي + 2 م ك حليب بودرة يتحمر شوية حتى يولي بني على نار مهيلة جدا حتى يبرد ونضيفوه + 2 م ك زيت عادي + نص كاس كريم فريش
نخدم الزبدة و السكر مزيآان + الزبيب + اللوز + الزيت + كريم فريش وباقي المكونات نخلط مزيآن + 3 بيضات ونجمع الخليط + الدقيق ونجمع تقريبا من 800 الى 950 غ على حسب 
نقطعها كويرات ونديرعا في بلاستيك في مجمد 15 دقيقة ونطلقها بين 2 بلاستيك مرشوش بالدقيق او مايزينا ونرشموه بالشكل اللي بغيت – دائري مثلا و مشنف من الجوانب وندخلو يطيب
التزيين : لي مول السليكون نصف دائرة 
الحشوة : نص كاس حليب مركز محلى كراميل حتى يسخن + 100 غ شكلاط ابيض مداب فوق النار حتى يدوب ونطفي البوطة ونضيف 150 غ فويلتين دات اللون الاصفر نهرسها باليد ونضيفها + 100 غ اللوز بدون قشرة مصلوق ومنقي ومحمر ومهروش + روح الليمون او قشرة ليمونة 
نعمر لي سليكون بالخليط وندخلهم 30 دقيقة في المجمد
مللي يخرج الصابلي و يبرد ناخد الجناب ندهنهم بالكليكوز ونفندهم في اللوز والنص الاخر من الصابلي ندير فيه نقطة من اللوز المداب و ندير فوق منو الشكيلات ديال السليكون اللي صاوبت 
نزوق بخطوط الشكلاط او نخليه غير بحا

Voir les commentaires

طارطات صغار بالفواكه – هدى اليداري

طارطات صغار بالفواكه – هدى اليداري

لاباط بريزي : رابعة الفورص + 150 غ زبدة + اصفر بيضة + 2 م ك سنيدة + م ك كونفتير اختياري + 2 قطرات الخل ونرملها بالاصابع + شوية الما تقريبا 2 او 3 م ك الماء فقط القياس اللي يجمعها وممكن استعمال عصير الحامض او عصير الليمون في بلاصتو ايلا استعملت قشرة الليمون او الحامض + الروح ديال الفاني او الفاني عادي او قشرة حامض او قشرة ليمون
نجمع العجين ونديرو يرتاح 15 الى 30 دقيقة في الثلاجة
نطلق العجين بين 2 بلاستيك ونرشم بشي اطار اكبر من لي مول الصغار 
ونلبس العجين في المول من بعد ما ندهنوا بشوية الزبدة ونتقبهم بالفورشيط غير من الوسط ونتقل بالعدس او الزرع فوق ورق الطهي وندخلهم يطيبو من لتحت حتى يطيبو 
الكريمة : نص ايطرو حليب + 2 م ك بودرة كريم باتيسيير + فاني + 2 م ك السنيدة نخلطهم ونديرهم فوق النار ونبقى نحرك حتى توجد الكريمة 
ايلا ما عندناش بودرة الكريم باتيسيير نستعمل : 3 اصفر بيض + م ك ما يزينا + 2 م ك سنيدة + فاني ونخلط بفورشيط
ونضيفو بشوية بشوية على الحليب من بعد ما يكون على ونحرك بسرعة حتى يتكون لي خليط متجانس 
في الاخير نضيف على الخليط ياغورت صغير ديال درهم بمداق الكراميل + م ص زبدة ونخلط ونحك الخليط فوق لي طارط 
وندير الفواكه من الفوق وندهنهم بالناباج او السكر و الما فوق النار حتى يولي سيرو وندهن بيه


Voir les commentaires

حلوى دواز اتاي - هدى اليداري

حلوى دواز اتاي - هدى اليداري

 

رابعة زبدة نعجنها مع كاس ونص سنيدة تحك مزيآن + كاس زيت + 2 بيضات + قبصة ملح + فاني + زبيب شي حفنة ونقطعو دوائر + زنجلان تقريبا 4 م ك شي 3 دراهم نحمرو شوية + 3 دراهم اللوز نحمرو ونقطعو دوائر ولا نهروشو ونخلط الكل + الدقيق شوية بشوية + خمارة ونجمعها وكتكون العجينة ديالها لينة 
نديرها كويرات ونحطها في لاطة ونطبعها باي طابع وندخلها الفران من لتحت لانها ما كتشقش على نار مهيلة حتى طيب 
مللي تخرج نفندها في سكر كلاصي


Voir les commentaires

1 2 3 4 > >>