Overblog Suivre ce blog
Administration Créer mon blog

الدجاج محمر - هدى اليداري

100_0607.jpg

 

 

Photos du net 

 

 

 

الدجاجة + م ك فورص + نص عصير حامضة و نخليه 5 الى 10 دقايق ومن بعد كنبدا نقيه 
نغسلوه بالماء و + بصلة صغيرة محكوكة + شوية سكينجبير + شوية الملح ماشي بزاف + عصير نص حامضة و نخليه 5 او 10 دقايق من بعد كنغسلوه و نديروه في ماء غازي ابيض كاس كبير و نخليه 10 دقايق 
ما نعاودش نغسلو من الماء الغازي وكنصفيه و نخليه يطلق تقريبا ساعتين 

عطرية الدجاج : ناخدو بانيو و ندير فيه م ك الربيع مدقوق او مقطع رقيق بزاف + 2 ثوم + عصير نص حامضة + نص م ص السمن + نص م ص سكينجبير + نص م ص عطرية الدجاج + زعفران حر + نص ملون بدون ملح نضيف فقط هبرة نص حامضة مرقدة + راس م ص ابزار + ربع م ص الهريسة + خرقوم بلدي راس م ص + عود القرفة صغير + ربع كاس الما ونخلط وممكن اضافة م ص ديال البصلة يابسة او غبرة وندهن الدجاجة من برا ومن لداخل و من تحت الجلدة و نتقب الصدر بالقضيب او عود السنان و ترقد عل الاقل ساعتين او اكثر حتى ليلة كاملة ماشي مشكل .
كنربط الدجاجة بخيط ديال الخنشة ديال الدقيق من بعد ما نغسلهم و ندير ليهم الما و الخل و نربط بيهم الرجلين و ندورهم على الدجاجة كاملة و نربط في الاخير اليدين يعني كنكمطها بحال الطفل الصغير .
ونقليه في الما ديالو بدون زيت ومن بعد ما يتقلى نضيف كاس الما كبير في جناب الطنجرة ونغطي الطنجرة و نخليه يطيب ربع ساعة حتى 20 دقيقة
ناخد 3 بصلات كبار مشلظين رقاق نديرهم في كوكوط + 4 او 5 م ك الزيت + 1 ثوم + شوية عطرية الدجاج + ملح + ابزار تقلى شوية و من بعد نضيف عليها كاس الما ديال العنبة و نسد الكوكوط علة نار مهيلة و من بعد غير تصفر الكوكوط بشوية نحلها و غادي نلقاها طابت ونضيفها من بعد على الدجاج + ربع كاس الزيت + قشاوش الدجاج من بعد ما نديرهم يغلاو في الما مع طريف الحامص + 1 ثوم صحيح 
ونخليه يطيب ربع ساعة اخرى 
نحيد الدجاج من بعد ما يطيب و نخليه يتسقطر من الما ونخلي المرق يطيب على نار مهييييلة حتى ينشف و يبقى غير الزيت و البصل معلك 
الدجاج في الفران : نجيب م ك زبدة عادية + نص زعفران + قبصة عطرية الدجاج و نعجنها مزيان وندهن بيها الدجاجة قبل ما دخل الفران الفوق و لتحت تبقى حتى يولي اللون بني 
مللي نخرجها من الفران نرجعها للطنجرة ونقلبها مزيان وسط المرق حتى تسخن و نخليها في الطنجرة
































 

 

Voir les commentaires

خبز بالزيتون - هدى اليداري

1458943253.JPG

 

 

Photod du net

 

 


نص كيلو القمح بالنخالة + رابعة اما ديال الفورص او الفينو ندير حفرة وسط الكصعة + نص خمارة الحلوى + م ك خميرة الخبز مدوبة في شوية الما دافي + نص م ص السكر + م ك حليب غبرة او 4 م ك حليب عادي + نص م ص زبدة + 4 م ك زيت العود او ربع كاس + ملح + ونعجنو بالما دافي 
من بعد ما يتعجن ناخد زيتون اسود او اخضر مقطع طريفات او هما معا 
نخلي العجين يرتاح 10 دقايق و من بعد نقطعو خبيزات صغار بزاف بحال مسمن متوسط و نضغط عليهم من الفوق غير شوية او نديرهم حرابل طوال و نخليهم يخمروا 
مللي يخمرو نجيب شيتة و ندهنو من الفوق بالماء وممكن نرش من بعد شوية الدقيق باش يجي الشكل ديالو ابيض من الفوق .... ونفلحهم على شكل زائد من الفوق ... 
و يدخل الفران

Voir les commentaires

عطرية الدجاج - هدى اليداري

epices.jpg

 

 

 

 

م ك الهيل او قعقلة + م ك بسيبيسة + 2 حبات القرنفل + 4 او 5 حبات مسكة حرة + م ك سكينجبير + م ك خرقوم بلدي + شوية زعفران حر + شوية ثوم غبرة 
كولشي غادي يتدق و يتغربل و يتخلط 
عطرية الحوت - هدى اليداري
م ك ثوم غبرة + م ص قزبر يابس ومطحون + الربيع يابس + م ص زعتر مطحون + راس م ص ازير + م ص كامون + م ص ملح صيني + م ص طحميرة 
نخلط كولشي و نبدا نستعملوا

Voir les commentaires

كيك قوس قزح لأخت أونس الفرقاني

1382300_10201975757268455_1869882531_n.jpg

 

 

4 بيضات _ 200غ دقيق _ 200غ زبدة _ 150غ سنيدة _ 200غ لوز مصلوق مفسخ و مطحون _ 1 خمارة _ 1 فاني _ ملون أحمر و ملون أخضر و أصفر إن وجد حتى الأزرق أحسن .
الطريقة : نخدمو الزبدة رطبة مع سنيدة مزيان حتى نحصلو على كريمة ثم نضيف الفاني و البيض وحدة بوحدة و مع التطراب دائما من بعد نضيف الدقيق و الخمارة و اللوز و نخلطو مزيان ثم نقسمو الخليط على 3 و كل خليط نزيدو عليه الملون و نخلطو ( الملون الأحمر نضيف قليل من سيرو ديال الرمان) و الخليط 2 نضيف له الملون الأخضر (مع القليل من السيرو ديال النعناع) ثم في الأخير الخليط 3 نضيف له الملون الأصفر ( مع قليل من نكهة الحامض او الموز) ثم نذهنو قالب دائري أو مربع بالزبدة و نرشوه بالدقيق و إذا كان قالب السيليكون أحسن ثم نصب الخليط 1 ثم فوقه الخليط 2 و في الأخير الخليط 3 و ندخله الفرن حتى تطيب الكيك و لما نخرجوها من القالب نتركها تبرد و من بعد نديرو ليها كلاصاج بالشكلاط أسود و بالصحة( جات غزااااااااااالة )

Voir les commentaires

بريوش لأخت أونس الفرقاني

563604_527136904029517_1084261102_n.jpg

 

 

 

400غ طحين _ 30غ سنيدة _ شوية ملح _ 1 م ك خميرة معجنة مدوبة فشوية الحليب _ 4 بيضات _ فاني _ شوية قشرة البرتقال _ شوية قشرة الحامض _ 170غ زبدة .
الطريقة : نخلطو كل المكونات إلا الزبدة ,نخلطو مزيان حتى نحصلو على عجين مطاط ثم نزيدو من بعد الزبدة تكون رطبة نخدمو مزيان مزيان ( العجين غادي تجيكم مرخوفة ’ ماشي مشكل ) نتركها ترتاح و تخمر لمدة 1ساعة أو أكثر .ثم من بعد نخدموها بملعقة باش نزولو الهواء للي فيها و نديروها فبلاستيك غذائي و نتركها فالثلاجة حتى تجمد شوية ( أو في المجمد للي زربان هههه) و من بعد نخرجوها و ندلكوها غي شوية ثم نصنعو منها كويرات حسب الرغبة و نديروهم فالطاوة فيها ورق سولفوريزي أو ندهنوها ثم نوعو التزيين , ندهنوهم بالبيض مطرب مع شوية الملح و من بعد ندردرو سنيدة غليضة على البعض منهم ( إلى كانت متوفرة سنيدة ديال الحلوة راه كاتكون عليضة و بيضاء من الأحسن) و رقائق اللوز على النصف الأخر و الباقي نديرو عليهم الفواكه المعسلة و نتركهم حتى يخمرو من جديد و يتضاعف الحجم ديالهم , ندخلهم الفرن و بالصحة و الراحة .

Voir les commentaires

الضلعة معمرة لعائشة السعيدي

dal3a-mhamra-4412159.jpg

 

 

 

 

 

ناخذوا الضلعة مفتوحة ونتقبوها بالفورشيط

ناخذوا شوي الملح + إبزار + م ص كمون + شوي خرقوم + زعفران حر + شوي السمن + م ك موطارد + م ك صوجا + م ك هريسة حلوة + 5 ضروس ثومة 

الحشوة :

ربطة سبانخ 

حك الفطر ـــ زلافة صغيرة فطر أسود مرقد في الماء ومعصر ومقطع  ـــــ باكية صغيرة شعرية صينية

ناخدوا كل عناصر الشرمولة تخلط مزيان وتقسم على زوج ناخذوا الجزء الأول نشرملوا بيه الضلعة مزيان من الداخل والخارج ثم ناخذوا مقلاة نعملوا فيها السبانخ وباقي الشرمولة تشحر ثم + الفطر الأبيض و الأسود ثم الشعرية مرطبة من قبل في ماء سخون ، ثم نعمروا الضلعة ونخيطوها وتغطى بورق الزبدة ثم ورق ألمنيوم ونعملوها في كسكاس تفور مع وضع الغلاقة ونتقلوها ،إلا بقات الحشوة عنعملوها شكل طويل في ورق الزبدة و ألمنيوم وتفور مع الضلعة ، لما تطيب الضلعة نزولوها ، ندهنوها بدانون مسوس مخلط مع شوي طحميرة وتدخل الفرن وتقدم مع الخليط الحشوة في الجوانب و خضر حسب الذوق

Voir les commentaires

مربى الجزر من عند سمية كريمو

confiture-carotte.jpg

 

 

 

Photos du net

 

 

750 غ خيزو

كيلو سنيدة

2 عواد القرفة

نص كاس صغير ماء الزهر

نص كاس صغير ماء

عصيروقشرة برتقالة

2 م ك عصير حامض

ينقى خيزو ونحكوه ، ونعملوه في طنجرة ثم + سكر+ عواد قرفة + على عافية مهيلة حتى ينساجموا ثم + ماء الزهر + الماء + ثم + عصير الليمون و القشرة وعصير الحامض مع التحريك مدة 40 دق حتى يخثار يتترك يبرد ونعملوه في القراعي

Voir les commentaires

كرتان بالبطاطا -- هدى اليداري

Voir les commentaires

وريدات معسلين للأخت سعيدة من السمارة

923079_1411891262391711_104261721_n.jpg

 

 

 

ناخذوا الدقيق + ملح + و نجمعوه بماء الزهر تكون شوي  قاصحة تترتاح شوي ثم نبسطوها بالنشا تكون شوي رقيقة كما في الصورة ثم تقلى في الزيت وتغطس في العسل ممكن نعملوا لوزة قبل ماتقلى أو لوز مهرمش مللي تقلى

 

1555430_1411891099058394_1226523368_n.jpg

 

 

1798737_1411891095725061_2131999185_n.jpg

 

 

1014121_1411891112391726_1280986883_n.jpg

 

 

1613840_1411891115725059_972584079_n.jpg

 

 

1012538_1411891082391729_257666584_n.jpg

 

 

1604573_1411891075725063_1456387696_n.jpg

 

 

1779858_1411891269058377_473268276_n.jpg

 

 

 

 

MERCI SAIDA DE ESSMARA 

Voir les commentaires

حصة حلويات كريمة / حلوى بالتمر

Voir les commentaires

1 2 3 4 5 6 7 8 9 10 20 > >>