Overblog Suivre ce blog
Administration Créer mon blog

Articles avec #gateaux marocaines catégorie

ماكارون باللوز - الشيف هدى اليداري

ماكارون باللوز - الشيف هدى اليداري

200 غرام سكركلاصي + 250 غرام لوز مطحون بالقشرة ديالو +م ك مربى المشماش + 80 غرام أبيض البيض ( تقريبا 2 حتال 3 بيضات ) 
نخلطو اللوز مع السكر والمربى و عاودو نطحنوهوم ثم نوضعوهوم في إناء ونضيفو ليهم أبيض البيض تدرجيامع التطريب 
نخليوالخليط يرتاح ساعة في الثلاجة ثن نوضعوه في الجيب الحلواني اللي البوق ديالو عادي 
نأخد لاطة نديرو فيها ورق المطبخ أو مول ديال الماكارون ديال السيليكون و نديرو دوائرصغارمن الخليط و نحطو لوزة بالقشرة ديالها في وسط كل حبة 
قبل ما ندخلو للفران نأخد القليل من الماء في إناءنخشيو فيه يدينا و نبداو نرشو قطرات فوق الماكارون من الجوانب. واخا يقيس لينا الماء الفوق ديال الحلوى ماشي مشكل . هذاغاديي يساعد على انتفاخها 
ثم ندخلوها للفرن مدة 12 دقيقة 

Voir les commentaires

صابلي برستيج - فاطمة من قنيطرة

صابلي برستيج - فاطمة من قنيطرة

125 غرام زبدة + 125 غرام سكر كلاصي و نخدموه مزيان و نضيفو + ملحة +بيضة + شوية القرفة + خمارة و الدقيق حسب الخليط نجمعو العجين بالدقيق يكون خفيف و نديروه في الثلاجة 
من بعد نطلقوه بالمدلك و نقطعوه بالمرشم اللي الشكل ديالو بيضاوي وندخلوه يطيب.
الزبيب نفزكوه و نشفوه و البرقوق حتا هو نفس الشئ و نقطعوه طريفات صغار + شرائح قشور الليمون معسل و مقطع + حفنة كركاع محمر و مقطع على 4 + حفنة ديال اللوز محمر و مقسوم على 2 
منين يطيب نستفو الفواكه فوق من الصابلي و نأخد سكر كلاصي نخلطوه مع عصير الحامض ( كل 30 غرام سكر كلاصي كنحتاجو ليها عصير حامضة مصفي) و نخلطوهوم مزيان و و نسقيو بيهم الصابلي من الفوق بعد ما نستفو الحشوة . منين غادي يبرد غادي تلصق الحشوة فوق الصابلي

Voir les commentaires

صابلي مالح : الشيف هدى اليادري

صابلي مالح : الشيف هدى اليادري

250 غرام ماركرين +2 م ك زيت مائدة +2 م ك ماء عادي +3 بيضات +م ص ملح +م ص موطاغد +شوية ثومة غبرة او ضامة الثومة كنخلطو كل المقادير وكنبداو نزيدو 600 غرام من الدقيق شويو بشوية تخمع العجين خفيفة غير شوية ونقسموها على 4 كورات يرتاحو مابين 12 الي15 دقيقة وكل كورة كنسموها 
الكورة الاول كنسموها بزعيترة وكنطلوها ونطبعو بطابع الصابلبي كندهنو بالبيض ونزينو بالزيعة الكحلة منقية 
الكروة التانية كنسموها ب50 غرام فرماج محكوك وكنطلوها ونطبعو بطابع الصابلبي وندهنو باليض ونزينو بالخشخاش 
الكورة التالتة كنسموها بزيتون اخضر اللي كنغسلوه مزيان و نطحونه وكنطلوها ونطبعو بطابع الصابلبي وندهنو بالبيض ونزينو بالجنجلان الابيض 
الكورة الرابعة كنسموه بالسودانية وكنطلوها ونطبعو بطابع الصابلبي وندهنو بالبيض ونزينو بشوية السودانية مع فلفة حمرة
كندخلو الصابلي للفران لانه مافيهش السكر ماخيدش التحمر بزاف منين نخرجوه من الفران كنطفيوه ونعاودو نردو ليه الصابلي باش يتقرمش ...وبالصحة والراحة

Voir les commentaires

غريبة معلكة الشاف هدى اليادري

غريبة معلكة الشاف هدى اليادري

250 غرام من كاوكاو منقي ومحمر ومهرمش شوية +125 غرام من الزبيب كنقطعوه طريفات +125 غرام كوك +2 م ك بودرة كاكاو +خمارة حلوة +كيس من فاني +م ك من الكليكوز او 2 م ك من مربى المشماش ديال الحلوة +125 غرام من سكر +50 غرام من الزبدة كندوبوها + م ك زيت مائدة كنجمعو الغريبة ب 2 حتى 3 بيضات حسب الحجم وكنحطو العجينة في التلاجة لمدة ساعة وحدة من بعد كندهنو يدينا بالماء الزهر وكنعملو كويرات من العجينة وكنفندوهم في سكر كلاصي سبيسيال مخلط معاه خمارة الحلوة وكنستفو المعلكة في طاوة مدهونة بالزيت ومرشوشة بالدقيق وندخلوها للفران لمدة 10 الدقائق تاخد الطياب ديالها 

Voir les commentaires

باكيط حلو - الشيف هدى اليداري

باكيط حلو - الشيف هدى اليداري

نحضر العجين المورق 
نص كيلو الدقيق + ملح + م ص الخل + م ك سنيدة + م ك الزيت + م ك زبدة ونجمع بالما بارد وطلع ما ثقيلة ما خفيفة 
وندلكها غير شوية حتى ترطاب ونغطيها ونخليها ترتاح
نديرها على شكل حربول ونقسمها على 8 
نرش الدقيق على الطاولة ونورق وحدة بوحدة بالمايزينا 
200 غ زبدة ديال التوراق نقسمها شرائح رقيقة على 7 
بين كل دائرة نحط 7 شرائح من زبدة ونحط الدائرة الاخرة الفوق و هكدا حتى نكمل 
ونديرها في ساشي وندخلها المجمد 10 دقايق 
نخرجها ونرش بالمايزينا او الدقيق و نطلقها بالمدلك على شكل مستطيل وكون رقيقة على قد عرض الاصبع 1 سنتيم ونقطعها على شكل مستطيلا ت طوال 10 سنتيم وندهنو بالزبدة تقريبا م ك مدوبة نرش 2 م ك سنيدة ونحط فوق منها عجين اخر 10 سنتيم ونطلق بالمدلك حتى تنسجم ونطلقها مزيآن ونقطعها مرة اخرى شرائح قياس 2 الاصابع 
كل شريط نلويه باليد ديالي وندهنو ببيضة فيها م ص الما و م ص سنيدة ندهنها كلها ونديرها في ورق الطهي او في لاطة فيها شوية الزيت او زبدة مدوبة و الدقيق مرشوش ونرش في الاخير فوق منها السنيدة وندخلها الفران سخون

photos du net

Voir les commentaires

حلوى ساهلة ماهلة - فاطمة

حلوى ساهلة ماهلة - فاطمة

2 بيضات + 2 كاس عنبة زيت + 2 كاس سنيدة + 2 خمارة + 2 م ك النشا + قبصة ملح ونخلط الكل وندير الدقيق حتى يتجمع العجين يكون مرخوف 
نكرص العجين في لاطة مدهونة بالزيت رقيق وندهنها بالكونفتير أي نوع يكون جاري ونرش اللوز او الكاوكاو ايفلي وندخلها الفران
مللي تخرج نقطعها مربعات

photos du net

Voir les commentaires

بهلة بالكوك - – الشيف هدى اليداري

بهلة بالكوك - – الشيف هدى اليداري

ــ 300 غ  زبدة + 2 كاس زيت + 3 خمارة + فاني +200 غ كوك + 700 غ دقيق + 200 غ سنيدة 
الزبدة مع سنيدة و فاني و قبصة ملح يتعجنو مزيالن ونضيف الزيت و الكوك و قشرة الحامض او الليمون + الدقيق و الخميرة حتى تجمع
ونديرها كويرات وندخلها طيب في فران سخون

 

photos du net

Voir les commentaires

غريبة بالدقيق - فاطمة من قنيطرة

غريبة بالدقيق - فاطمة من قنيطرة

 

نص كيلو زبدة بوماد + رابعة سنيدة + 8 اصفر بيض نطربو غير بالفورشيط بدون ما يطلع + ملح + حفنة الزبيب ابيض + كاس زيت عنبة ونجمعها بالطحين و 2 خمارة 
تكون خفيفة 
نديرها كويرات وندوزها في ابيض البيض و السكر كلاصي ونحطها في لاطة وندخلها طيب


Voir les commentaires

حلويات باردة - فاطمة من قنيطرة

حلويات باردة - فاطمة من قنيطرة

 

رابعة من البيسكوي –صابلي ء رابعة الكوك محمر غير شوية ومطحون + كاكاو غبرة اللي يغير اللون ديالها للاسود ونعجنها بالحليب مركز محلى + نسمة معينة اما قهوة او غوازي طاو براليني ونكورها ونديرهم في مول الثاج ونديرها في مجمد ونخرجها من بعد ونغطسها في شكلاط دايب غير شوية خص القشرة تكون رقيقة نديرها غير باليد ونرجعها للمجمد تشد في راسها

photos du net

Voir les commentaires

فينانسيي لهدى اليداري

فينانسيي لهدى اليداري

165 سكر كلاصي سبيسيال + 65 غ دقيق + 60 غ بودرة اللوز + 150 غ ابيض البيض + 90 غ زبدة + 2 غ خميرة + 15 غ تريمولين او نستعمل في باصتها 2 غ اخرى من الخميرة + قبصة ملح 
ناخد سكركلاصي + بودرة اللوز بالقشرة او بلاش ماشي مشكل + دقيق + خميرة كولشي يتغربل 2 مرات + التريمولين + قبصة ملح ونخلط + ابيض البيض يكون مخفف حتى يدير فقاعات ماشي لدرجة يكون بحال الثلج ونحك بملعقة عود + الزبدة نوازيط 
الزبدة نوازيط : ناخد الزبدة ديالي نديرها دوب فوق النار على نار مهيلة حتى يولي اللون بني خفيف يعني دهبي مغلوق 
نحرك الكل حتى تولي عندي كريمة ونقسم العجين ونضيف ليه النكهة اللي بغيت 
ونديرهم في قوالب ديالهم ديال السليكون غير النص تقريبا وندخلهم المجمد ساعة ومن بعد الفران فوق لاطة و مغطيين بورق الطهي وفوق منهم لاطة اخرى م الفوق تقريبا 12 على نار متوسطة 150 دقيقة فران سخون مزيآان على 200 
ونخرجهم ونخليهم يبردو ونزوق باللي بغيت

photos du net

Voir les commentaires

1 2 3 4 5 6 7 8 9 10 20 30 40 50 > >>