Overblog Suivre ce blog
Administration Créer mon blog

حليب مركز محلى كراميل – هدى اليداري

حليب مركز محلى كراميل – هدى اليداري

ايطرو حليب في موكوط + 500 غ سنيدة + خمارة ونطرب بالطراب اليدوي ونحطو فوق النار ونحرك حتى يدوب السكر بملعقة عود ومللي يدوب نقص البوطة ونخليه تقريبا 30 دقيقة مرة مرة نحرك حتى يتغير اللوم ديالو للبني ناخد م ك مايزينا مدوبة في ربع كاس حليب بارد ونضيفها ليه ونخليها تغلى شوية تقريبا 10 دقايق حتى يتقال ء كيبان لينا باقي خفيف ولكن راه غير كنحيدوه من النار كيزيد يتقال 
photos du net

Voir les commentaires

كرطان الدجاج و البطاطا – هدى اليداري

كرطان الدجاج و البطاطا – هدى اليداري

الدجاج مقطع بالشكل اللي بغيت بلا جلدة في طنجرة مع الما اللي يغطيه + ربع حامضة + ملح + ورقة سيدنا موسى + بصلة صغيرة صاينة + ابزار + 1 ثوم ونخليه يتصلق
نخلي الما يغلى مزيان مع المنسمات عاد نضيف الدجاج ء قاعدة لاي حاجة بغينا نصلقوها 
نحيد الدجاج و البصلة و من بعد ندير فيه كيلو بطاطا دوائر تصلق في نفس الماء 
صلصة البيشاميل : ناخد من داك الما كاس كبير + كاس حليب كبير نديرهم في طراب كهربائي + م ك فورص + م ك مايزينا او 2 م ك الفورص فقط + ربع كاس زيت عود + ملح + الربيع 2 م ك + 1 ثوم محكوك او نص م ص ثوم غبرة + ابزار + شوية زعتر محكوك بين اليد ونخلط في الخلاط ونرجعو في كاصرول ونحرك بملعقة عود حتى يتقال الخليط
في مول ندهنو ب م ك زيت عود + بطاطا + دجاج بالعظم او بلاش + بيشاميل + الكراتيناج
الكراتيناج : الفرماج احمر او بيضة مطربة مع م ك الحليب + 2 فرماجات مثلث ممعوسين + ملح + ابزار + معدنوس غير شوية + شوية فرماج احمر اختياري ونطرب ونخويه من الفوق


photos du net

Voir les commentaires

كاشير - هدى اليداري

كاشير - هدى اليداري

في خلاط كهربائي : 6 بيضات + 200 غ كفتة أي نوع + 6 م ك الروز ابيض مصلوق + ربع كاس زيت عادي او زيت زيتون + ملح + ابزار + تحميرة م ص لاجل اللون الوردي + ايلا بغينا اللون احمر نضيف م ص مطيشة الحك + خمارة + 1 ثوم + الربيع اختياري ايلا بغيت نسم ونخلط كولشي ونديرو في قراعي ديالهم او ميكة ديال السباكيتي مسدودة من الجناب و نخلي الفراغ في الاخير ونديرهم في وسط كوكوط نص ساعة من بعد التصفار ونطفي ونخليها حتى تبرد ونحلها ونديرو في الثلاجة
photos du net

Voir les commentaires

حريرة رمضان سهلة – هدى اليداري

حريرة رمضان سهلة – هدى اليداري

خلاط كهربائي نطحن فيها نص كيلو مطيشة بكولشي اللي فيها ونصفيها في الصفاية ونديرها في طنجرة + بصلة كبيرة محكوكة + كاس صغير الحمص + كاس صغير العدس + كاس صغير الربيع + عرش ديال الكرافس مطحون او مقطع مع الربيع + طريفات اللحم اختياري + عود قرفة + نص م ص سكينجبير + ربع م ص ابزار + م ص السمن + نص م ص قزبر يابس اختياري + م ك الزيت + ملح نشحر مزيان 20 دقيقة من بعد نضيف كاس كبير الما ونسد الكوكوط ونخليها طيب حتى تغلى ونقص البوطة ونخليها طيب 30 دقيقة من بعد ما صفرات 
نحل الكوكوط ونشوف الحمص واش طاب وايلا طاب نضيف 2 كاس كبير الما + 2 م ك مطيشة الحك مدوبة في نص كاس الما ونخلي الطنجرة تغلي ومللي تغلي + م ك شعرية رقيقة ومللي طيب الشعرية نضيف 3 م ك دقيق ابيض مخلط في طراب كهربائي مع شوية الما ونخليها تغلى على نار مهيلة مع التحراك ربع ساعة و في الاخير نضيف م ك قزبر مقطع + ربع م ص السمن + راس م ص القرفة ونطفي البوطة

photos du net

Voir les commentaires

حساء البلبولة – هدى اليداري

حساء البلبولة – هدى اليداري

ناخد البلبولة نص رابعة متوسطة الحجم نرقدها نص ساعة ومن بعد نديرها طيب
بصلة بيضاء محكوكة رقيق جدا + نص ايطرو الما + م ك زيت العود + ملح + قبصة ابزار ونديرها طيب حتى تغلى تقريبا ربع ساعة ونضيف ماء اخر بارد تقريبا كاس كبير
ونضيف الزعتر حتى تقال 
نضيف كاس كبير الحليب او حليب مركز غير محلى + م ك زيت العود ويغلى 5 دقايق ونقدمها

photos du net

Voir les commentaires

بيتزا جديدة سائلة - سهام من فرنسا

بيتزا جديدة سائلة - سهام من فرنسا

كاس ونص الدقيق فورص + ربع كاس الزيت + ربع كاس الما بارد من الروبيني + 2 بيضات + خمارة + شوية الملح و شوية الزعتر محكوك بين اليد + م ص سنيدة 
ونخلط كولشي في طراب حتى ينسجم ونديرو في مول مدهون ومرشوش بالدقيق 
+ صلصة الطماطم ديال البيتزا نهزها بالملعقة ونديرها فوق الخليط ونقطع الفلفلة و البصل مقطع رقيق + زيتون مقطع رقيق + الطون او الكفتة او الكروفيط وندخلها طيب 15 حتى ل 20 دقيقة غير من لتحت بلا الفوق 
مللي طيب نحك الفرماج احمر بلا ما نعاود ندخلها

photos du net

Voir les commentaires

الشباكية – مليكة من كازا

الشباكية – مليكة من كازا

كيلو الدقيق + نص كيلو الزنجلان محمر ومطحون + م ك نافع مطحون + 2 اصفر البيض + كوزة محكوكة + شوية زعفران عادي او حر + مسكة حرة مدقوق في شوية سنيدة + كاس ما زهر + كاس ما دافي + كاس زبدة مدوبة + ربع كاس الخل + كاس زيت + م ص خميرة معجونة و ايلا كان الجو حار بلاش ندير غير شوية من خمارة حلوى 
ناخد السوائل كلهم في كاصرونة وندفيهم فوق النار شوية وندير المقادير الاخرى في كصعة ونعجنهم بالسوائل اللي دفينا وندلك مزيان ونديرها في بلاسنيك غدائي ترتاح ربع ساعة فوق البوطاجي ونعاود ندلكها مرة اخرى ونقسمها كويرات صغار ونغطيهم يرتاحو ومن بعد ما تطلق العجينة نسرحها مزيآان رقيقة ونقطعها ونشبك ونستفها في بلاطو ونقليها ومن بعد نخليها تصفى مزيان وعاد نديرها في العسل ونرش بالزنجلان من بعد شي ايام نقلب الصطل باش العسل يرجع


Voir les commentaires

المايونيز بدون بيض – هدى اليداري

المايونيز بدون بيض – هدى اليداري
 
 

كاس حليب + 2 فرماج + م ص الخل او عصير حامض + ملح في خلاط + كاس او كاس ونص الزيت نضيفو شوية بشوية ء ايلا جا خفيف نضيف الفرماج او بطاطا صغيرة مصلوقة ومحكوكة رقيق في مكان الفرماج
photos du net

Voir les commentaires

طارط ديال الكوك – هدى اليداري

طارط ديال الكوك – هدى اليداري

 

العجين باط بريزي : رابعة دقيق نحيد منو م ك ونعوضو ب 2 م ك الكوك + بيضة + 3 م ك زبدة مرخوفة 100 غ + 2 م ك زيت + 2 او 3 م ك سنيدة او ندير 2 معالق مع م ك كونفتير + م ك حليب بودرة اختياري ونجمع بالاصابع مع قبصة ملح ونضيف 2 م ك الما بارد 
نخليها ترتاح ونحضر الحشوة 
الحشوة : 150 غ الكوك + 4 بيضات + م ك حليب بودرة + نص كاس حليب + 150 غ سنيدة او 100 غ + خمارة + م ك كونفتير + م ك زبدة ونطرب مزيان 
نسرح العجين ونلبسو المول ونتقبو بالفورشيط وندير الخليط وندخلو الفران ونرش بالكوك من الفوق تقريبا م ك نطيبها من لتحت هو الاول حتى طيب عاد نحمر الوجه

photos du net

Voir les commentaires

رغايف بالجبن – فتيحة من تطوان – وصفات السعادة مزية

رغايف بالجبن – فتيحة من تطوان – وصفات السعادة مزية

نص كيلو دقيق ابيض  + م ك زبدة + ملح + م ص سنيدة + بيضة ونجمعها بما زهر وندلكها مزيان 
الحشوة : رابعة الجبن بلدي يكون ناشف بزاف + 2 اصفر بيض + م ك سنيدة
نطلق العجين مزيآآن بالزبدة دايبة مع الزيت ونديرو كويرات صغآار نطلق كويرة الاولى وتكون رقيقة بزآاف وندير م ص الجبن الوسط بلا ما نطلقو ونطلق فوق منها كويرة اخرة تكون رقيقة ونجمعها على شكل رغيفة وندخلها الفران
مللي طيب ندهنها بالعسل و اللوز مهرمش


Voir les commentaires

1 2 3 4 5 6 7 8 > >>