Overblog Suivre ce blog
Administration Créer mon blog

فقاص ناجح - هدى اليداري

فقاص ناجح - هدى اليداري

300 غ زبدة مرخوفة صفراء + 300 غ سنيدة + 2 م ك الما + فاني ونعجن مزيآآن حتى تولي كريمة + اللوز من كا حتى ل 2 بالقشرة مرقد في ما زهر شوية حتى يرطاب ونقطعوه بالموس بلا ما نحمروه + م ك زنجلان + م ك نافع او هما ب 2 + 6 بيضات نضيفهم بوحدة بوحدة وانا كنعجن + الدقيق تقريبا من كيلو الى كيلو وربع على حساب غالبا كيلو و 200 غ + خمارة ونص العجين يكون عادي ما مرخفوش بزاف ما قاسحش و نديرو على شكل حرابل فوق ورق الطهي ندهنو بالحليب فيه م ص الكاكاو 2 مرات حتى يعطي اللون 
وندخلو الفران بارد نار مهيلة و غير من لتحت 
مللي يخرج نحط عليه زيف فيه الما معصور نص عصرو ونخليه 2 او 3 دقايق حتى يبرد ونحيدو ونديرو في بلاطو حتى يبرد وهو مغطي ونديرو في منديل ناشف ونسد عليه في ميكة ساعتين ونقطعو بموس رقيق و ماضي ومسنن ونقطعو ونرجعو للفران من الفوق و لتحت فران بارد ونار مهيلة جدا

photos du net

Voir les commentaires

كيكة بالشكلاط و خيزو – اماس من كازا – وصفات السعادة مزية

كيكة بالشكلاط و خيزو – اماس من كازا – وصفات السعادة مزية

 

رابعة خيزو منقي ومحكوك + 100 غ شكلاط بودرة + 4 بيضات + رابعة سنيدة + 4 خمارة + كاس عنبة زيت + فلون شكلاط + 300 غ دقيق مزية 
نخلط خيزو مع شكلاط ونخليه يرتاح شوية وفي نفس الوقت ندير البيض في خلاط كهربائي مع الزيت و سنيدة وفلون ونخلط مزيآآن 
ونضيف عليه خيزو + الدقيق + خمارة وندير كولشي في مول كبير مدهون ومرشوش بالدقيق او الكاكاو وندخلها الفران 
مللي تخرج ندهنها بالفرميسال شكلا ط و شكلاط دايب او حبات الشكلاط بالالوان


photos du net

Voir les commentaires

كلاص بالكريم باتيسيير – هدى اليداري

كلاص بالكريم باتيسيير – هدى اليداري

نحضر الكريم باتيسيير بنص ايطرو الحليب بدون سكر وغير طيب نضيف عليها 200 غ شكلاط ابيض باش يدوب فيها + فاني + 2 فرماج مربع ونحرك حتى يبرد شوية وندخلها الثلاجة تبرد شوية بينما نوجد القشدة الطرية 
ايرو قشدة طرية خاصة بالحلويات تكون تقيلة وتكون باردة بزآاف ولكن ما مجمداش ويكون الاناء اللي غنطرب فيه بارد في الثلاجة ونطرب حتى طلع مزيآن ونضيف عليها الكريم باتيسيير + ساشي بودرة الشونتيي +كاس او 2 كيسان فلون نضيف شوية بشوية واناكنطرب حتى يولي مندمج وثقيل 
ونقسمو باش ندير ليه النكهات وحدة نضيف عليها 2 م ك كاكاو و شكلاط صغير
واحد نضيف ليه اللوز بالقشرة محمر و مهروش + نكهة النوكا اختياررية 
واحد نضيف ليه فواكه معسلة او انانس معلب او حب الملوك معسل 
ونديرو في علب او نصاوبو على شكل حلوى وندخلو الثلاجة


Voir les commentaires

نصائح منزلية من عند غزلان من سلا

نصائح منزلية من عند غزلان من سلا

الحراق ديال الطاجين : نحك فوق منو طوبة السكر قبل ما نغسلو 
ريحة الحوت في الدار : في كاصرول ندير القهوة ونخليها تغلى او الخزامة 
كصعة جديدة : ندهنها بزيت رومي و نخليها ليلة كاملة مدهونة 
الشيفلور ايلا بغينا نصلقوه : ندير معاه لبابة الخبز 
النمل : عويدات القرنفل في الاماكن ديالو
لون الباربا من اليد : نديرو يدينا في بانيو فيه الما و الخل و الملح 
الكولا ايلا لصقات في اليد : كندير الما يغلي وندير يدي فوق البخار ونحك 
كولا في الحوايج : ديك الساعة نديرها في الفريكو ونحكها
السنسلة ايلاتعكسات : نحك عليها الشمع 
زيت او البيض فوق الزربية او الارض او أي مكان : نرش عليها دقيق فورص


Voir les commentaires

بيتزا بالدجاج - زهيرة من كازا – وصفات السعادة

بيتزا بالدجاج - زهيرة من كازا – وصفات السعادة

2 زلايف دقيق مزية + بيضة + كاس زيت العود + م ص خميرة الخبز + خمارة + م ص سنيدة + ملح ونجمعها بالحليب ونخليها ترتاح في الثلاجة
الحشوة : في مقلة بصلة صغيرة محكوكة + ملح ونخليها تدبل + صدر دجاج مقطع + ابزار + الما ونخليه يطيب مللي يطيب ويبقى تقريبا كاس من المرق نختروه ب 2 م ك دقيق مزية + 3 فرماج مثلث ونخلط كولشي ونحك شوية الكوزة ونخليه يبرد 
نسرح العجين ونتقبو ونعمرو بالحشوة ودخليه الفران مللي طيب نحك الفرماج ونحمرو شوية


Voir les commentaires

صابلي بريستيج - فدوى من خريبكة

صابلي بريستيج - فدوى من خريبكة

125 غ زبدة + 100غ سكر كلاصي + قبصة ملح + م ص قرفة + م ص قهوة سريعة الدوبان مرطبة في م ك الما + 2 م ك الحليب سائل + فاني + الفرميسال ديال الشكلاط الدقيق حسب الخليط 
الحشوة : 150 غ عقدة اللوز + 2 م ك الناباج + م ك كليكوز + نكهة القهوة 
نخلط عجين الصابلي الزبدة و السكر و القرفة + القهوة + الحليب حتى تولي كريمة + باقي المقادير + شوية الفرميسال ديال الشكلاط ونجمعوه وندجيروه بين 2 بلاستيك ونقطعوه دوائر وندخلو الفران حتى يدهب اللون ديالو ومللي تخرج ناخد الحشوة ونديرها في حمام مريم ونخليها حتى دوب شوية ونعمر بيها الصابلي 
ناخد لي مول صغار بزاف نعمرهم بالشكلاط ابيض مدوب حتى يجمد ونلصقهم بالكليكوز فوق الصابلي

photos du net

Voir les commentaires

حرشة بالحليب والكوك - سلمى من مراكش

حرشة بالحليب والكوك - سلمى من مراكش

رابعة السميد رقيق + كاس سنيدة + 3 م ك الكوك محمر + نص كاس زيت + جامضة محكوكة + فاني + 2 خمارة + نص ايطرو حليب ونخلط مزيآ نونديرو في مقلة تقيلة مدهونة بالزبدة والسميد وندخلها الفران 30 دقيقة مللي تخرج ندهنها بالناباج او الكونفتير ونرشها اما بالكوك او اللوز ايفيلي

photos du net

Voir les commentaires

فخيدات معمرين - امينة من مراكش

فخيدات معمرين - امينة من مراكش

8 فخيدات نحيد منو العظم 
الحشوة : رابعة الكفتة خضرا + بصلة مشحرة + 2 م ك الربيع + نص مصيرة + اصفر بيضة + ملح وابزار + ربع كوزة + خرقوم + م ص السمن + نص كاس روز عادي مصلوق نخلطهم مزيآن ونعمر بيهم الفخد وخيطهم او نسدهم بعود اسنان
المرق : نص كاس زيت عود + بصلة مشحرة مزيآن + نفس توابل الحشوة وندير فيهم الفخيدات حتى ياخدو اللون + كاس كبير الما ونخليهم يطيبو على نار مهيلة حتى تبقى غير 10 دقايق باش يطيبو ونخلي المرق يتقال والفخيدات ندهنهم بالزبدة وندخلهم الفران يتحمرو


photos du net

Voir les commentaires

كونفتير التفاح – هدى اليداري

كونفتير التفاح – هدى اليداري

كيلو تفاح الصغير نقيه من القشرة و الزريعة اللي كنديرهم في زيف حياتي صغير بحال كموسة ونديرو معاه يطيب + ربع كاس او نص كاس ليمون وندير عليه كيلو سكر ساعتين وانا كنحرك مرة مرة حتى يدوب ونديرو فوق النار يغلى 30 دقيقة ونحيد الكموسة ونعصرها ونطحنو في مكينة اليد ونرجعو فوق النار 10 دقايق ونخليه في الثلاجة

 
 
 
 
 
 

Voir les commentaires

لي كاليط - اكرام – وصات السعادة مزية

لي كاليط - اكرام – وصات السعادة مزية

2 بيضات + كاس سنيدة + كاس زيت + 2 م ك عسل + 2 زلايف دقيق مزية + 2 خمارة + بيضة للدهن 
نخلط كولشي ونديرهم على شكل كويرات ونضغط عليهم شوية وندهنهم بالبيض وندخلهم الفران من لتحت و من الفوق غير شوية


Voir les commentaires

1 2 3 4 5 6 > >>