Overblog Suivre ce blog
Administration Créer mon blog

بطاطا بالكريم في الفران - هدى اليداري

بطاطا بالكريم في الفران - هدى اليداري

 

بطاطا دوائر نصلقها نص طيبة في الما و الملح و الابزار الزبدة نصفيها ونديرها في مول ونخوي لاكريم فريش + فرماج احمر و ندخلها الفران 
ممكن نضيف عليه الكروفيت مشحر في الزبدة و املح و الابزار اوالشومبينيون مشحر في الملح و الزبدة و الابزار 
الكفتة بالعطرية نديرها دوائر وسط منها الموتزريلا ونقليها عادي

photos du net

Voir les commentaires

لي باط بالحوت طبق او في الفران - هدى اليداري

لي باط بالحوت طبق او في الفران - هدى اليداري

 

لي باط طاكلياطيل او بابيون ولا مجعبة طويلة نصلقها في الما و الزبدة وورقة موسى و الملح نصفيهم بلا ما نغسلهم 
الحوت الكروفيط او الكلمار او الهبرة يتشحر في الزبدة و الملح و الابزار + ثوم غبرة + قشدة طرية غير طلع الغلية + لي باط ونخلط الكل فوق النار ومن بعد نحيدو من النار ونحطو في الطبق ونزوق بالربيع ونقدر نضيف الفرماج احمر 
او ندير الكل في مول الزجاج وندير الكارتيناج او الفرماج احمر وندخلو الفران و نشعل عليه غير من الفوق

photos du net

Voir les commentaires

الحوت و الخضر في الفران – هدى اليداري

الحوت و الخضر في الفران – هدى اليداري

أي نوع من الحوت ء نصلق الخضر البطاطا و خيزو الورق في الما كاس كبير و الملح و نص م ص الزبدة وورقة موسى على نار مهيلة نصلقها نص صلقة 
نستف الخضر في مول الزجاج مدهون بم ك زيت العود 
شرمولة الحوت : 3 م ك الربيع + 3 ثوم محكوك رقيق جدا + نص م ص موطارد + زعتر محكوك بين اليد + م ك عصير حامض + نص م ص سكينجبير + ابزار + ملح غير شوية + ورقة موسى مطحونة راس م ص او 2 اوراق + نص كاس زيت العود + نص م ص قزبر يابس نخلط الكل النص نشرمل بيه الحوت والنص الثاني نضيف عليه نص كاس عنبة من الما اللي صلقت فيه الخضر + الشومبينيون اختياري ونسقي بيع الخضر في المول وفوق منها الحوت + دوائر الحامض اختياري 
ندخلوه الفران يطيب 
ممكن نحيد نهائيا الخضر ء او ندير معاه غير الشومبينيون او الفلفلة او هما بزوج

photos du net

Voir les commentaires

فطائر مالحين – هدى اليداري

فطائر مالحين – هدى اليداري

نص كيلو فورص + 2 خمارة وندير حفرة فيها 2 م ك زيت عود او عادي + ملح + ابزار + زعتر اختياري + راس م ص ثوم غبرة او نص ضامة ثوم + نص م ص موطارد + 2 فرماج مثلث + قبصة خل ونعجن بالما من الروبيني ونطلعها خفيفة شوية ماشي بحال ديال المسمن غير بحال الخبز خفيف ونغطيها ترتاح 5 دقايق
ونحربلها ونقسمها على 6 ونغطيهم ونخليهم يرتاحو
150 غ زبدة نورق بيها العجين 
نطلق العجين على شكل دائرة بالدقيق و بالمدلك وندهنها ب م ص زبدة عامرة ونحط فوق منها عجين اخر ونبقى بنفس الطريقة حتى يكمل العجين
الطبقة الفوقانية من العجين لا تدهن ونخليها 10 دقايق وهي مغطية في مكان بارد او في الثلاجة
ونوجد الحشوة
الحشوة مالحة : بصلة كبيرة مشلظة رقيق + 1 ثوم ونشحرها في زيت مائدة + ورقة موسى تشحر حتى تدبل شوية + فلفلة اختيارية 2 مربعات يتشحرو شوية حتى يدبلو ونضيف الربيع + قبر يابس + ملح + ابزار + راس م ص تحميرة ونطفي البوطة ونضيف علبة طون بمطيشة او قطع دجاج صغيرة او كروفيط او هبرة حوت او الكفتة وممكن اضافة الفرميسال كدلك + الحار اختياري 
نورق العجين على شكل ورقة دائرية او مربع نوريقها بالدقيق حتى تبقى قد عرض الاصبع ونقطعها بدوائر كبيرة بحال الزلافة 
ونعمرها بحال لي شوصون وندهنها من الجوانب بالما ونجمعها ونتكي شوية بالفورشيط وندهنها من الفوق ببيضة مطربة مخلطة مع قطرة الخل وندخلها مباشرة للفرن على نار متوسطة غير من لتحت ويكون سخون مسبقا شي 4 دقايق ومن بعد نشعل الفوق


Voir les commentaires

حليوات بلا طياب – فاطمة من القنيطرة

حليوات بلا طياب – فاطمة من القنيطرة

225 غ قشدة طرية + 525 غ شكلاط اسود ونخلط فوق النار مزيآان 
القشدة فوق النار مع نصف كمية الشكلاط تى يدوب في حمام مريم ونحيدو من النار ونضيف باقي الكمية ونحرك مزيآن حتى يدوب ويولي كيلمع
ناخد لي مول السليكون صغار مثلا على شكل دوائر ونعمرهم النص او اكثر بقليل ونديرهم في المجمد ولكن نخلي شوية من الخليط جانبا .
الطبقة الثانية : 100 غ البراليني + 60 غ شكلاط ديال الحليب دايب + 100 غ الفيتين ندوب الشكلاط في حمام مريم ونحيدو من النار ونضيف عليه باقي المكونات ونخلط ونضيفو على السليكون وندخلو المجمد 
مللي يخرج نقلب الحلوى 
ناخد شوية من الخليط الاول ونديرو في البوق ونزوق بيه الحلوى على شكل وريدات

photos du net

Voir les commentaires

شنيك بالاعشاب المنسمة سلوى من سلا – وصفات السعادة

شنيك بالاعشاب المنسمة سلوى من سلا – وصفات السعادة

العجين : نص كيلو دقيق مزية + رابعة فينو + ملح + شوية خميرة العجين + شوية زعتر محكوك 
العقدة : رابعة اللحم مدقوق او مطحون + شوية شحمة غير شوية + ملح + ازير + سالمية يابسة + قزبر يابس+ مرددوش + زعتر + سوانية + زيتون مقططع + فلفلة مشوية مقطعة + و بصلة و بورو محمرين شوية 
نعمر لي شنيك ونخليهم يخمرو و يدخلو الفران


photos du net

Voir les commentaires

فقاص ديال المناسبات ام ريحان

 فقاص ديال المناسبات ام ريحان

 

6 بيضات + 2 كاس زيت عنبة + 2 كاس سنيدة + فاني + 2 خمارة + 2 حك من فواكه معسلة + نصف علبة من حليب مركز كراميل + فورص حسب الخليط تقريبا كيلو ويكون العجين ما قاسح ما مرخوف 
ونقسمو ونديرو حرابل تقريبا 5 او 6 وندهن الوجه ديالهم بالحليب و الكاوكاو او قهوة سريعة الدوبان ونطيبو نص طيبة ونخليه يبرد شوية ونقطعو وندخلو مرة اخرى للفران


Voir les commentaires

فقاص مضمون ـــــ فاطمة من قنيطرة

 فقاص مضمون ـــــ  فاطمة من قنيطرة

في خلاط كهربائي 8 بيضات + ملح + زلافة ونص سنيدة او 3 كاس عنبة ونطحن + زلافة زيت او 2 كاس عنبة ونطرب حتى يولي بحال اللبن + 4 فاني ونخلط + كاس حليب ونخلط 5 دقايق صافي 
في بانيو زلافة اللوز بلا ما يتحمر + الخليط + 2 كيلو الا ربع من دقيق + 4 خمارة ونحرك باليد حتى نجمع بلا دليك غير نديه ونجيبو ونقسمو 8 كورات ونبرمو بلا ما نبسطو ونحطو فوق لاطة فيها الزيت و الطحين وندخلو يطيب نص طيبة من لتحت و الفوق شي 5 دقايق 
ومللي يخرج ما ندير ليه والو نخليه يبرد ونقطعو بسكين ماضي ونقطعو عوج شوية باش يجي على شكل نصف دائرة 
مللي نبغي نقطع نحد الموس شي 2 مرات عاد نكمل التقطيعة 
ونرجعو للفران يطيب من لتحت و عاد الفوق


Voir les commentaires