Overblog Suivre ce blog
Administration Créer mon blog

Articles avec #entres catégorie

بريوات بالفرماج و البطاطا - فاطمة

بريوات بالفرماج و البطاطا - فاطمة

كيلو البطاطا مقشرة طريفات وتصلق و الما غير القياس فاش تصلق و الملح و ابزار ابيض حتى تقرب تنشف في الما ديالها ونضيف نص كاس الحليب عنبة و نطفي البوطة ونخليها تشرب الحليب + بكية فرماج مربع ونعمر البريوات

photos du net

Voir les commentaires

زعلوك الدنجال بمطيشة - هدى اليداري

زعلوك الدنجال بمطيشة - هدى اليداري

 

ناخد 5 الدنجال يكون صغير من الاحسن نشويه فوق البوطة حتى ترطاب الجلدة نديرو في بلاستيك و نسد عليه 
و نشوي 3 فلفلة ونديرها حتى هي في بلاستيك 
2 مطيشة كبار نشويها ونديرها حتى هي في بلاستيك
4 ثوم نشويها حتى هي 
نقي كولشي بدون ما نغسلوه ونقطعهم مربعات صغار 
مطيشة نقطعها بالزريعة ونديرها مع الثوم مع الزيت العود تقريبا نص كاس + الربيع ونشحر حتى دوب مطيشة + هبرة نص مصير مقطع رقيق + فلفلة مربعات ونشحر شوية ونضيف الدنجال + م ص كامون + ملح + م ك عصير الحامض + نص م ص تحميرة + سودانية او هريسة راس م ص بدون ابزار ونشحر مزيآان حتى ينشف مزيآان وتبقى غير الزيت ويبدا يتلصق عاد نطفي عليه ونضيف م ك زيت العود وشوية الربيع + نص م ص الكامون + م ك عصير الحامض ونخليه نص ساعة عاد نقدموه

photos du net

Voir les commentaires

السردين معلب - هدى اليداري

السردين معلب - هدى اليداري

2 كيلو سردين نحيد ليه الشوك و الشوكة اللي في الظهر ونرش عليه شوية عصير الحامض ونخليه 5 دقايق ونحيد ليه القشرة ديالو 
نديرو في كوكوط + كاس زيت مخلط + ورقة موسى + 1 ثوم صحيح + ملح + شوية قشرة الحامض طراف كبار فقط للتنسيم ونسد عليه غير تصفر الكوكوط ونقص البوطة ونخليها 15 دقيقة 
ناخد السردين ونديرو في علب 
ممكن نسموا بالقزبر يابس او الربيع مخلط او الزعتر 
وممكن اضافة م ك مطيشة الحك ل 2 كيلو السردين مخففة في الما ايلا بغيتو بمطيشة

photos du net

Voir les commentaires

بريوات الدجاج بصلصة البيشاميل - مليكة من كازا

بريوات الدجاج بصلصة البيشاميل - مليكة من كازا

الورقة + صدور الدجاج زلافة تقريبا + بصلة + ملح + ابزار + صلصة البيشاميل + فرماج احمر محكوك + بيضة او 2 مصلوق ومحكوك + زيتون مقطع + الربيع 
الطريقة : في مقلة الزيت بلدية مع البصل حتى تدبل و نضيف الدجاج مربعات و الملح و الابزار و قرفة اختيارية 
صلصة البيشاميل كنحضرها و مللي تبرد نضيف عليها الخليط + باقي المكونات
الورقة ندهنها بالزيت من لداخل ونعمرها وندهنها من الخارج وندخلها الفران 
وايلا بغيتو تقليهم ما يتدهنوش من لداخل


Voir les commentaires

طوماط سوريز مرقدة - بثينة من فرنسا

طوماط سوريز مرقدة - بثينة من فرنسا

250 طوماط سوريز + زيت بلدية + 1 ثوم + 2 وراق الحبق + عريش الزعتر + عريش يازير + ملح و ابزار 
في كاصرول ندير فيها مطيشة و نغطيها بالزيت + الثوم مقسوم على 2 و الاعشاب المنسمة + ملح و ابزار ونخليه على نار مهيلة حتى ترطاب مطيشة ونحيدها ونخليها تبرد ونديرها في قراعي الزجاج

photos du net

Voir les commentaires

طريقة الخضر مشرملة لهدى اليداري

طريقة الخضر مشرملة لهدى اليداري

كيلو خيزو مربعات نصلقو في الملح و الما قليل وورقة سيدنا موسى اختيارية ونغطيه ونصفيه 
في مقلة : الربيع 2 م ك + 2 ثوم محكوك رقيق + ربع كاس زيت أي نوع ونشحر ونضيف قطع خيزو + نص م ص تحميرة + ربع م ص كامون + ربع م ص قزبر يابس + م ص عصير الحامض + نص هبرة حامضة مصير + شوية زعتر ونقص البوطة ونخلي خيزو يتشحر على نار مهيلة 10 دقايق مع التحراك
ممكن الاحتفاظ بيه في المجمد مدة شهر و اكثر 
في الخيزو ممكن اضافة فلفلة حمرا مقطعة رقيق جدا في البداية

ممكن نعملوا نفس الطريقة  لخيزو  – او كرعة خضرا – او اللفت الاصفر او الابيض – او الشيفلور  او الكرم  او اللوبيا  لهدى اليداري

photos du net

Voir les commentaires

كرعة خضراء مشرملة لهدى اليداري

كرعة خضراء مشرملة لهدى اليداري

كيلو الكرعة خضرا 
2 مطيشة محكوكين بلا زريعة في كاصرول + 4 م ك زيت العود او عادي + شوية الملح + 3 ثوم ونخلي مطيشة كتشحر حتى تبدا دوب + الربيع + م ص تحميرة + نص م ص كامون + ربع م ص قزبر يابس + نص م ص مطيشة الحك مخففة ونشحر + كاس كبير الما + الكرعة خضرا + ربع حامضة مصير ونخليها طيب وهي مغطية نص الطنجرة على نار متوسطة حتى تنشف و تبقى غير الزيت - ممكن اضافة الزعتر في الاخير او الزعيترة في وسط الطهي

 

Voir les commentaires

بريوات اللحم بالبرقوق – هدى اليداري

بريوات اللحم بالبرقوق – هدى اليداري

رابعة اللحم كتخرج 12 بريوة في طنجرة مع بصلة كبيرة مشلظة رقيق + 2 م ك زيت + م ص زبدة + عود قرفة ونغطيه ونخليه يتشحر حتى تدبل البصلة + حبة قرنفل + 2 مسكة حرة مدقوقين + 2 حبات هيل او قعقلة + ربع م ص سكينجبير + ربع م ص خرقوم بلدي + راس م ص ابزار + ملح ونشحر كولشي مع ربع كاس الما حتى تدبل البصل + كاس كبير الما + 2 حبات التمر بدون عظم حتى يطيب اللحم
نحيد اللحم ونخلي البصل يتعلك على نار مهيلة + شوية زعفران حر محكوك او نص ضامة الزعفران ونخليها حتى تعلك ومن بعد نضيف اللحم + م ك او 2 سنيدة او م ك حليب مركز محلى كراميل + ربع م ص قرفة ونشحر ونحرك على نار مهيلة 15 دقيقة ونخليه يبرد 
ناخد نص رابعة البرقوق نخوي عليه ماء مغلي + نص م ص الزهر ونغطيه ونخليه نص ساعة ونصفيه من بعد ونحل البرقوقة ونحيد العظم من الفوق 
نديرو في كاصرونة + ربع كاس الما + حبة مسكة حرة + عود القرفة + نص م ص زبدة + شوية قعقلة حبة او 2 مهرسين + شوية زعفران حر ونخليه فوق النار حتى يطيب غير واحد 2 دقايق ونضيف ليه م ك سنيدة + 2 م ك الما ونبقى نشحر حتى يتعسل و ينشف ويبرد ونقطعو ونضيفو للحم 
ونضيف نص رابعة اللوز منقية مصلوقة ومقلية ومهروشة ونعمر البريوات


Voir les commentaires

كاشير - هدى اليداري

كاشير - هدى اليداري

في خلاط كهربائي : 6 بيضات + 200 غ كفتة أي نوع + 6 م ك الروز ابيض مصلوق + ربع كاس زيت عادي او زيت زيتون + ملح + ابزار + تحميرة م ص لاجل اللون الوردي + ايلا بغينا اللون احمر نضيف م ص مطيشة الحك + خمارة + 1 ثوم + الربيع اختياري ايلا بغيت نسم ونخلط كولشي ونديرو في قراعي ديالهم او ميكة ديال السباكيتي مسدودة من الجناب و نخلي الفراغ في الاخير ونديرهم في وسط كوكوط نص ساعة من بعد التصفار ونطفي ونخليها حتى تبرد ونحلها ونديرو في الثلاجة
photos du net

Voir les commentaires

السفوف – لطيفة من مراكش

السفوف – لطيفة من مراكش

كيلو اللوز بلدي + كيلو الكاوكاو بلدي صغير + 2 كيلو دقيق + كيلو زنجلان حتى لكيلو ونص + رابعة صغيرة حبة حلاوة + رابعة صغيرة نافع + كيلو سكركلاصي + زيت عادي ايطرو + نص كيلو زبدة العبار + 5 دراهم قرفة + كوزة محكوكة + مسكة حرة ساشية مطحونة تقريبا فيها 3 او 4 الحبات 
اللوز نغسلو ونخوي عليه الما طايب ونفركوه
الكاوكاو نغسلو ونخوي عليه الما طايب ونفركو 
ويتقلاو في الزيت باردة  نقليهم بزوج 
اللوز و الكاوكاو كولوا نهرمشوه فقط في 1 2 3 
الزنجلان نحمروه و النص نديروه مطحون و النص نخليه صاين 
وباقي المكونات نطحنهم
في كصعة ندير فيها الدقيق محمر في الفران يكون دهبي ونضيف عليه باقي المكونات الجافة ونبسبسها ونضيف الزيت مع الزبدة تكون دايبة شوية ونضيف الجهد ديالي باش يجي مرمل ونحرك نحرك حتى يتجمع 
اللي بغى يدير العسل في مكان السكر كلاصي يديرو

photos du net

Voir les commentaires

1 2 > >>