Overblog Suivre ce blog
Administration Créer mon blog

Articles avec #astuces catégorie

الطون معلب - هدى اليداري

الطون معلب - هدى اليداري

ناخد الطون الكبير تقريبا كيلو دوائر و مقشر من القشرة ديالو نغسلو ونقطعو اطراف كبيرة في كوكوط + 2 م ك عصير الحامض + قشرة حامض مقطعة مربعات كبيرة اختياري للتنسيم فقط + 2 م ك خل ابيض او عادي + 2 كاس زيت عادي + شوية الملح + ورقة سيدنا موسى + 1 ثوم اختياري للتنسيم فقط + نص كاس الما عنبة و نسد الكوكوط ونخليها حتى تغلى و تصفر و نقص البوطة ونخليها 20 دقيقة ونحلها غادي نشوف الحوت ابيض ونحيدو ونخليه يبرد ونديرو في قراعي الزجاج صغار بقدر الاستعمال يومي ونخلي المرق يغلى حتى تبقى غير الزيت بوحدها ونخويها فوق الطون حتى يغطيه من بعد ما نحيد الحامض و الثوم وورقة موسى ونسد القراعي ونديرهم في المجمد وممكن يبقى غير في الثلاجة لتحت لمدة اسبوع

photos du net

Voir les commentaires

عطرية اللحم - - فاطمة من قنيطرة

عطرية اللحم - - فاطمة من قنيطرة

م ك الثوم بالقشرة مطحونة + م ك ابزار اسود + م ك ابزار ابيض + م ك كروية + م ك زعتر مطحون + م ك قزبر مطحون + م ك ازير + م ك الهيل + م ك ظهر الفلفل + م ك نويويرة + زعفران حر + شوية الكوزة بنوعيها + م ك سكينجبير + خرقوم بلدي + القرنفل 1 + القرفة + لسان الطير 
نطحن الكل ونستعملوا مقدار ربع م ص فقط مرقدة في 2 كاس العنبة ونرقد فيه اللحم
السفرجل نقيه ونقطعو مربعات كبار ونصوطيه في الزبدة على نار مهيلة حتى يطيح شوية + العسل + الكركاع + زلافة الزبيب و نخليه يتعسل حتى يتنفخ + ربع م ص ازير غبرة مغربل 5 دقايق ونحيدو



photos du net
 

Voir les commentaires

عجين السكر لهدى اليداري

 عجين السكر لهدى اليداري

عجينة السكر : ابيض بيضة نطربو غير شوية حتى يدير فقاعات + م ك كليكوز او 100 غ + نص م ص عصير حامض مصفي ونطرب في اناء ناشف من الما تماما ونظيف مزيآان + نص كيلو تقريبا او اكثر بقليل سكر كلاصي سبيسيال ونخلط بالاصابع حتى تجمع وتولي كورة
ايلا بغيت شي لون نضيفو من الاول مع البيض او نخليها بيضاء مع شوية ملون ابيض
نطلقها بين 2 بلاستيك مرشوشن بمايزينا او الدقيق ونحطها فوق الحلوى في مكان مهوي ما ندخلهاش الثلاجة غير تنشف ونزوقها باللي بغيت
ايلا بغيت نحتفظ بيها حتى لشهرين : نلويها في بلاستيك غدائي ونديرها في بواطة بلاستيك ونسد عليها في بلاكار

photos du net

Voir les commentaires

الشومبينوين معلب - هدى اليداري

الشومبينوين معلب - هدى اليداري

ناخد الشومبينيون طري نغسلو ونشفو مزيآان ونقطعو شرائح ونديرو في ما مغلى مسبقا فيه شوية الملح ونخليه 10 دقايق 
من بعد نصفيه ونديرو في قراعي الزجاج معقمة + الما اللي صفينا تقريبا نص كاس حتى يتغطاو ونسد عليهم ونديرهم في كوكوط وندير الما اللي يوصل تقريبا للنص ديال القرعة ونخلي الكوكوط تصفر 25 دقيقة ونخليها تبرد مزيآان ومن بعد نحيدهم

photos du net

Voir les commentaires

كيفية تحضير التحميرة في الدار - هدى اليداري

كيفية تحضير التحميرة في الدار - هدى اليداري

ناخد الفلفلة تكون حمرا بزاف نغسلها ونشفها مزيان وندخلها الفران تصهد مزيآان ومن الفران مباشرة نطحنها ونغربلها مزيآن وغادي نحصل على تحميرة
photos du net

Voir les commentaires

الفلفلة حلوة مخللة - هدى اليداري

الفلفلة حلوة مخللة - هدى اليداري

ناخد الفلفلة نحيد الزريعة ونقطعها مستطيلات كبار تقريبا على 4 طولا و على 2 عرضا ونخليها تسقطر ونديرها في قراعي او علب تقريبا كيلو او كيلو الاربع نعصر عليه 3 حامض + 1 ثوم صحيح + بصلة مشلظة رقيق جدا + كاس تقريبا اللي يغطيها هو و الزيت الماء بارد عادي + شوية الملح غير بالاصابع + زيت العود نص كاس ونسد القرعة مزيآن ونخليها في كوزينة ومرة مرة نحركها و نقلبها مدة اسبوع كتكون واجدة
photos du net

Voir les commentaires

طريقة الحفاظ على الزبدة بلدية لمدة عام - نادية من فاس

طريقة الحفاظ على الزبدة بلدية لمدة عام - نادية من فاس

نغسل الزبدة 3 او 4 مرات من اللبا ونقطرها مزيان ونديرها كويرات وندخلها في بلاطو للمجمد حتى تقبط
مللي تخرج نلويها في ثوب حياتي ونديرها في بلاستيك وندخلها للمجمد وكتبقى مدة عام تقريبا

photos du net

Voir les commentaires

عطرية المروزية– هدى اليداري

عطرية المروزية– هدى اليداري

6 حبات الهيل او قعقلة مطحون مع بسبيسة وناخد منها م ك + م ك لسان الطير + م ك ظهر الفلفل + نص م ص كوزة صحراوية + 5 حبات مسكة حرة + 2 م ك خرقوم عرق + م ص سكينجبير + م ك زنجلان + نص م ص ابزار اسود + م ك ونص قرفة + 4 حبات قرنفل + شوية زعفران حر مصهد ومفرتت بين اليد + م ك بودرة اللوز .
كل المواد تمسح وتصهد وتطحن في مقلة تقيلة او في الفرن


Voir les commentaires

عطرية اللحم – هدى اليداري

عطرية اللحم – هدى اليداري

 

م ك الهيل او قعقلة + م ك بسبيسة محضرة بنفس الطريقة + م ك لسان الطير + م ك ظهر الفلفل + م ص كوزة صحراوية + 6 حبات مسكة حرة + م ك خرقوم عرق + م ك سكينجبير + م ص ابزار ابيض + م ك قرفة 
كل المواد تمسح وتصهد وتطحن في مقلة تقيلة او في الفرن
أي عطرية ناخد منها ديال يومين وندير الباقي في المجمد


Voir les commentaires

الدرة معلبة – هدى اليداري

الدرة معلبة – هدى اليداري

نرقد الكبال نص ساعة في الما مع نص م ص عصير الحامض اختياري 
نديرو في كوكوط مع كمية الما اللي تغطيه + 3 م ك حليب بودرة + م ك زبدة وملح ونسد الكوكوط ونخليه يطيب 30 دقيقة بعد التصفار نحيدو ونصفيه وندور عليه المول على الطول باش نحيد الدرة ونديرها في قرعة زجاج مع ربع كاس الما اللي على فيه ونسدها مزيان


Voir les commentaires

1 2 3 > >>