Overblog Suivre ce blog
Administration Créer mon blog

Articles avec #poissons catégorie

السردين في الفران – مليكة من كازا

السردين في الفران – مليكة من كازا

كيلو سردين مغسول و منقي ومسقطر ونطحنو بالطحانة اليدوية بالقشرة ديالو ونديرو في طبسيل ونخلط معاه الملح و الابزار و الكامون و الخرقوم عود و التحميرة بالزايد تقريبا 2 م ك + الثوم محكوك تقريبا 3 + الربيع مخلط بالزايد + نص كاس زيت بلدي + خيزو محكوكة غليط + بطاطا محكوكة غليظ + بيضة + الزيتون مقطع + كاس شعرية السفة نديرو في الما طايب مع شوية الملح تصلق شوية ونحيدها ون صفيها 
ونخلط الكل نعجنوه مزيآن + فرماج احمر محكوك ونخليه يرتاح شوية 
ندهن المول ونكرص الخليط بحال خبزة + ونخوي عليه 
4 بيضات مطربين مع فرماج محكوك وندخلو الفران

photos du net

Voir les commentaires

الحوت و الخضر في الفران – هدى اليداري

الحوت و الخضر في الفران – هدى اليداري

أي نوع من الحوت ء نصلق الخضر البطاطا و خيزو الورق في الما كاس كبير و الملح و نص م ص الزبدة وورقة موسى على نار مهيلة نصلقها نص صلقة 
نستف الخضر في مول الزجاج مدهون بم ك زيت العود 
شرمولة الحوت : 3 م ك الربيع + 3 ثوم محكوك رقيق جدا + نص م ص موطارد + زعتر محكوك بين اليد + م ك عصير حامض + نص م ص سكينجبير + ابزار + ملح غير شوية + ورقة موسى مطحونة راس م ص او 2 اوراق + نص كاس زيت العود + نص م ص قزبر يابس نخلط الكل النص نشرمل بيه الحوت والنص الثاني نضيف عليه نص كاس عنبة من الما اللي صلقت فيه الخضر + الشومبينيون اختياري ونسقي بيع الخضر في المول وفوق منها الحوت + دوائر الحامض اختياري 
ندخلوه الفران يطيب 
ممكن نحيد نهائيا الخضر ء او ندير معاه غير الشومبينيون او الفلفلة او هما بزوج

photos du net

Voir les commentaires

حوتة بالخضر و الفرماج – هدى اليداري

حوتة بالخضر و الفرماج – هدى اليداري

الحشوة : 2 خيزو + 2 كرعة + 2 بطاطا محكوك طويل وتشحر في زيت العود + 1 ثوم + ورقة موسى + ملح + ابزار ونشحر مزييان حتى تدبل ونضيف رابعة الكروفيط او اقل اللي كان او بلاش كيبقى اختياري + الربيع + قبصة زعتر + نص م ص عطرية الحوت اختيارية + نص م ص عصير الحامض + شوية سودانية او الهريسة + شومبينيون او زيتون دوائر نشحر الكل دقيقة مع التحراك ونحيدو من النار ونضيف 3 فرماج + شوية فرماج احمر ونحرك باش يدوب ونخليها تبرد مزيآن ونعمر بيها الحوت
الحوتة نحلها من الظهر ونقيها كاملة من الشوك ونحيد ليها السنسول كاملة وكنرش عليه الملح و الابزار و شوية الزعتر و زيت العود ونعمر بالحشوة ونسدها او نخيطها وندهنها بزيت العود و نرش الملح ونحطها فوق ورق الطهي وندخلها الفران بارد غير من لتحت 20 دقيقة ونشعل الفوق من الفوق و لتحت ونخليها 10 دقايق اخرى

photos du net

Voir les commentaires

الحوت طاجين أي نوع - هدى اليداري

الحوت طاجين أي نوع - هدى اليداري

أي نوع الحوت + 2 م ك الربيع + ورقة موسى مطحونة غير راس م ص + راس م ص ازير + 3 ثوم + 3 م ك زيت العود + ملح + عصير الحامض نص م ص + نص م ص قزبر يابس + نص م ص كامون ونخليه راقد في الثلاجة 
المرق : 
2 ثوم + زيت العود + الربيع ونشحرهم + 4 مطيشة محكوكين بالزريعة وورقة سيدنا موسى + م ص تحميرة + شوية قزبر يابس + ربع م ص كامون + ملح + ابزار + شوية سودانية + م ك مطيشة الحك ونخليها طيب شوية وونضيف الحوت + دوائر فلفلة رقيقة نستفهم فوق الحوت و دوائر الحامض + الحامض مصير وممكن اضافة الزيتون ونخليه يطيب

photos du net

Voir les commentaires

طبق الاخطبوط – هدى اليداري

طبق الاخطبوط – هدى اليداري

الاخطبوط يتغسل وندير عليه الحامض ونحيد ليه القشرة نديرو مقطع قطع كبيرة في ما مغلي مسبقا مع الملح و حامضة كاملة ونخليه يتصلق 5 دقايق ونصفيه ونشرملو 
الشرمولة : كل كيلو نشرملوه ب 3 م ك الربيع رقيق + 4 ثوم محكوك رقيق + نص كاس زيت أي نوع + ربع م ص هريسة + ملح + م ك عصير الحامض + م ك مطيشة الحك + م ك تحميرة + م ص قزبر يابس + م ص كامون + ربع م ص سكينجبير ونقليه شوية في هاد الشرمولة و من بعد نضيف كاس كبير الما + 3 او 4 حبات اتاي مكركب باش تساعدو على الطياب ونخليه يطيب مزيآان على نار متوسطة خصو يجي ناشف من الما ونقدمو في الطاجين من بعد ما نسخن الطاجين و ندير فيه 2 م ك زيت العود ونحطو وسط منو ونزوقو بقطع الحامض

photos du net

Voir les commentaires