نص كيلو السفة الشعرية + ربع م ص ملح + ربع كاس زيت وندهنها ونديرها تبخر مزيآان وهي مغطية ويطلع فيها البخار مزيآان تقريبا 10 دقايق
نهزها من الكسكاس ونخويها مباشرة في بانيو فيه الما تقريبا النص ديالو ونخليها دقيقة ونبدا نهزها ونصفيها غير بيديا ونديرها مباشرة في الكسكاس شوية بشوية ونرجعها تبخر حتى تطلع ونعاود نرجعها للكصعة ونرشها بكاس كبير الما بارد ونبدا نحلها ونخليها تنشف ونرجعها للكسكاس تبخر عاود
في الاخير نعاود نرشها بكاس عنبة ونحلها ونخليها تشرب 5 دقايق
مللي تنشف ندهنها بربع كاس زيت ونخليها تنشف وما نرجعها حتى نقرب نقدمها
دجاجة مقطعة على 4 في طنجرة + 2 بصلات مشلظين رقاق + ربع كاس زيت + م ك زبدة + م ص السمن + 2 عود قرفة + م ص سكينجبير + راس م ص ابزار + ملح زعفران حر + خرقوم بلدي + نص م ص عطرية الدجاج + الربيع مقبط + 1 ثوم محكوك ونشحر كولشي ربع ساعة ونضيف كاس كبير الما في الجوانب ونغطي الطنجرة و نخليها طيب
مللي يطيب نحبد الدجاج ونخلي المرق يتعلك مع 100 غ زبيب مرقد في شوية الما طايب + 2 م ك سنيدة + ربع م ص قرفة ونخليه ينسجم ونفرتت فوق منهم قطع الدجاج حتى يولي اللون ديالو بني
في التقديم : نرجع السفة تبخر غير طلع فيها التبخيرة ونحطها في الكصعة + م ص زب\ة + سكر كلاصي ونحط النص فوق منو قطع الدجاج ونرش شوية اللوز مصلوق ومقلي ومهروش ونغطيها بالنصف الثاني وفوق منو التمر معمر او البيض مصلوق و القرفة و السكر
photos du net