للبسبوسة : 1 علبة قشدة طرية _ 2 علب (عبار العلبة ديال القشدة ) سميدة رقيقة _ 1 علبة سنيدة ( نفس العلبة )_ ربع علبة زيت _ 1 علبة حليب ( دائما عبار علبة القشدة ) _ نصف علبة كوك _ 2 بيضات _ فاني _ نصف ملعقة خميرة الحلوى .
الحشوة :6 م ك حليب غبرة _ 2 كيسان ماء _ 3 م ك نشا _ نصف كاس سنيدة _ 4 فرماجات كيري _ ساشي ماء زهر أو نسمو بالفاني .
السيرو : سكر و ماء و قليل من عصير الحامض
الطريقة : نخلطو مزيان كل مكونات البسبوسة ثم نصب نصف المقدار في قالب مدهون ( ضروري القالب الذي يفتح أو قالب سيليكون أو قوالب فردية ) و ندخلها الفرن حتى تنضج , في هذه الأثناء نحضرو المهلبية : نخلطو كل مكونات المهلبية في خلاط حتى تنساجم ثم نصبها في كاسرولة و نضعها فوق نار مهيلة مع التحريك حتى تعقد ثم نزيلها من فوق النار و نتركها تبرد من بعد مللي تطيب البسبوسة نتركها تبرد كذلك من بعد نصب عليها الكريمة ( المهلبية) ثم من بعد نصب فوقها خليط البسبوسة المتبقي و ندخلها من جديد للفرن حتى تتحمر من بعد نخرجوها و نسقيوها بالسيرو و نحلو القالب ثم نزوقوها حسب الرغبة ( أنا زوقتها بالبندق مهروش , ممكن ضافة الكوك للتزيين )
إذا استعملنا قالب السيليكون مللي تطيب البسبوسة بصفة نهائية نتركها تبرد و نقلبها في طبق التقديم ثم تزوق بعد ذلك و بالصحة