زلافة دقيق فورص + كاس سميد رقيق + 2 م ك الفرماج اللي صاوبنا ديال الدار + شوية الملح + شوية خميرة الدار و الحليب دافي للعجين
ونطلعها رطبة ونقسمها على 2 كويرات وندهنها بزيت بلدية و نخليها ترتاح
لاصوص : 3 مطيشة طايبة في خلاط + م ك مطيشة الحك وزيت بلدية ونطحنهم مزيآان ونديرهم في مقلة مع زيت و زعتر و ملح ونطيبها غير شوية ونحيدها
نسرح البيتزا تكون رقيقة وندهنها بالفرماج اللي صاوبت ونتقبها بالفورشيط وندير لاصوص فوق منها + بصلة و فلفلة
بصلة مشلظة في مقلة مع زيت وملح وابزار ونفس الطريقة للفلفلة وندخلها الفران
فرماج ديال الدار : 2 كاس حليب غبرة + كاس حليب سائل + 2 فرماج + زيت باش نخلط حتى يعقد
ندير الحليب سائل في خلاط كهربائي + حليب غبرة + فرماج + شوية الملح ونخلط ومن بعد نضيف الزيت شوية بشوية حتى يعقد
نطلعوه تقيل شوية يعني نقدرو نهزوه بالملعقة
Samedi, 23 Mai 2015